యువ్ న్యూస్ ఫిల్మ్ బ్యూరో:

భారీ అంచనాల మధ్య రేపు 'సాహో' విడుదల కానుంది.. ఈ చిత్రాన్ని 'రన్ రాజా రన్' దర్శకుడు సుజీత్ దర్శకత్వం లో యూవీ క్రియేషన్స్ బ్యానర్ ఫై నిర్మించిన సంగతి తెలిసిందే.. 350 కోట్ల బడ్జెట్ తో, భారీ తారాగణం తో, పెద్ద పెద్ద టెక్నిషన్స్ తో  ఆస్ట్రియా, హైదరాబాద్, దుబాయ్, అబుదాబి వంటి ప్రదేశాలలో ఈ చిత్రం షూటింగ్ చేసారు. ట్రైలర్లు, టీజర్లు, ఫస్ట్ లుక్ లు  ఈ చిత్రంపై ఇంకా అంచనాలు పెంచేసాయి. కానీ మ్యూజిక్ విషయానికి వస్తే ఒకటి రెండు పాటలు మినహా మిగిలిన పాటలు ప్రేక్షకులని ఆకట్టుకోలేకపోయాయి. గతం లో ప్రభాస్ - లారెన్స్ కాంబినేషన్ లో వచ్చిన "రెబెల్" చిత్రం కూడా భారీ అంచనాలు మధ్య విడుదలై  బాక్సాఫీస్ వద్ద బొక్కబోర్లా పడింది.  మరోసారి  ఆ భయమే ఇప్పుడు ప్రభాస్ అభిమానులలో లో మొదలైంది. ప్రభాస్ 17 ఏళ్ళ కెరీర్ లో ఛత్రపతి, వర్షం, మిస్టర్ పర్ఫెక్ట్, మిర్చి, బాహుబలి చిత్రాలు మాత్రమే విజయం సాధించాయి. తన కెరీర్ మొత్తంలో రాజమౌళి ఒక్కడే ప్రభాస్ కి ఇండస్ట్రీ హిట్ ఇచ్చాడు.. ఇప్పుడు ఒక్క సినిమా మాత్రమే అనుభవం ఉన్న దర్శుకుడు ఈ చిత్రాన్ని ఎలా హేండిల్ చేసాడో అని అభిమానుల భయం.
   ఈ చిత్రం కోసం ప్రభాస్ అభిమానులు రెండు ఏళ్లుగా ఎదురుచూస్తున్నారు. ప్రభాస్ ఫ్యాన్స్ మాత్రమే కాదు ఇండియన్ సినిమా ఇండస్ట్రీ మొత్తం ఈ సినిమా కోసం ఎదురుచూస్తున్నారు.. బాహుబలి సిరీస్ తరువాత ప్రభాస్ క్రేజ్  మన దేశం ధాటి పక్క దేశాల వరకు వెళ్ళిపోయింది.. చాలా హీరోలకు ఎన్నో చిత్రాలు చేసిన రాని క్రేజ్ ప్రభాస్ ఒక బాహుబలి చిత్రంతో వచ్చింది.. ఈ చిత్రం విడుదల దగ్గర పడేకొద్దీ తెలుగు, తమిళ, హిందీ మరియు ఇతర బాషలలో  సో కాల్డ్ స్టార్లుగా పిల్చుకునే హీరోల వెన్నులో వణుకు పడుతుంది.. ఇవ్వని పక్కన పెడితే ఈ చిత్రం కోసం ప్రభాస్ కూడా భయపడుతున్నట్లు తెలుస్తుంది. 'సాహో' చిత్ర  ప్రొమోషన్ భాగంలో జరిగిన కొన్ని ఇంటర్వ్యూలలో ఈ చిత్రం కోసం అయన  భయపడుతున్నట్లు చెప్పారు.  భారీ బడ్జెట్ తో, ఒక సినిమా మాత్రమే అనుభవం ఉన్న దర్శకుడితో ఈ చిత్రం చేయడం వల్లనేమో ప్రభాస్ భయపడుతున్నాడు. ఈశ్వర్ చిత్రం తో తన కెరీర్ మొదలుపెట్టి ఇప్పుడు వరకు  బాహుబలి మినహా ఇంత భారీ బడ్జెట్ చిత్రాలలో ప్రభాస్ నటించలేదు, బహుశా దానివల్లనేమో ఈ  భయం.
 ఒకవేళ  ఈ చిత్రం ఆశించిన స్థాయిలో విజయం సాధిస్తే ప్రభాస్ క్రేజ్ మాత్రమే కాదు మన  తెలుగు సినిమా ఇండస్ట్రీ మొత్తం గర్విస్తుంది.  అదే విధంగా ప్రభాస్  రానున్న చిత్రాలు కూడా అన్ని బాషలలో విడుదల చేసే అవకాశం ఉంది. మరి ఏమి అవుదో తెలియాలి అంటే మరో కొన్ని గంటలు ఆగాల్సిందే