అఖిల ప్రియ అరెస్ట్
విజ యవాడ, సెప్టెంబర్ 11 
టీడీపీ అధినేత చంద్రబాబు నాయుడు ‘చలో ఆత్మకూరు’కు పిలుపునివ్వగా.. పార్టీకి చెందిన నేతలంతా విజయవాడ, గుంటూరు చేరుకున్నారు. పల్నాడు వెళ్లకుండా పోలీసులు వీరిని ఎక్కడికక్కడ అడ్డుకున్నారు. కొందరు నేతలను అరెస్ట్ చేసిన పోలీసులు.. మరికొందర్ని హౌస్ అరెస్ట్ చేశారు. మాజీ మంత్రి భూమా అఖిలప్రియను కూడా పోలీసులు హోటల్‌లో నిర్బంధించారు. చలో ఆత్మకూరు కార్యక్రమంలో పాల్గొనేందుకు విజయవాడ చేరుకున్న అఖిలప్రియ, ఆమె సోదరుడు జగత్ విఖ్యాత్ రెడ్డిలను.. వారు ఉంటున్న హోటల్ గదిలోనే నిర్బంధించారు.అఖిల ప్రియను నోవా హోటల్ గది నుంచి బయటకు రాకుండా పోలీసులు అడ్డుకున్నారు. నేను రూంలో ఉన్నానో లేదో చెక్ చేసే అధికారం మీకుందా? అని ప్రశ్నించారు. నన్ను మీరు టచ్ చేయొద్దని పోలీసులను హెచ్చరించారు. మగ పోలీసులు లేడీస్ మీదకు ఎలా వస్తారని ప్రశ్నించారు. నన్ను టచ్ చేయొద్దు.. మీదికి ఎలా వస్తారు..? రౌడీయిజం చేస్తున్నారా? అని ప్రశ్నించారు.నేను హోటల్ వదిలేసి వెళితేనే కదా మీకు ప్రాబ్లమ్. రూమ్ నుంచి నేను బయటకు రాకూడదని ఎవరు చెప్పారు? మీరు నన్ను టచ్ చేయొద్దంటూ అఖిలప్రియ పోలీసులపై ఫైర్ అయ్యారు. కిందకు వెళ్లి బ్రేక్ ఫాస్ట్ చేస్తే మీకేంటి ప్రాబ్లం అని ప్రశ్నించారు. పోలీసులు గుండాయిజం చేయడం ఏంటి..? నా రూంలోకి ఎందుకు వెళ్లారంటూ ఆమె నిలదీశారు.