మేడ్చల్ , మంగళవారం రాత్రి ఎడతెరపు లేకుండా కురిసిన భారీ వర్షానికి  శామీర్ పేట మండలం బాబాగుడ గ్రామములో ఓ కోళ్ల ఫారం నిటమునిగింది. దాంతో  ఐదు వేల కోళ్లు మృత్యువాత పడ్డాయి.  
బాబాగుడా గ్రామానికి చెందిన రైతు సురేందర్ కొన్ని రోజులుగా కోళ్ల ఫారాన్ని కౌలుకు తీసుకొని కోళ్ళ పెంపకం చేస్తున్నాడు. మంగళవారం  రాత్రి ఒక్కసారిగా భారీ వర్షం రావడంతో దాదాపు ఐదు వేల
కోళ్లు వర్షపు నీటిలో మునిగి మృత్యువాత పడ్డాయి. దీంతో రైతు సురేందర్ లబోదిబోమంటున్నాడు.  జరిగిన నష్టాన్ని ప్రభుత్వం తగిన సహాయం అందించాలని కోరుతున్నాడు.  ఆస్తి నష్టం
సుమారుగా 5 లక్షల వరకు ఉంటుందని బాధితుడు తెలిపాడు.