నెల్లూరులో సెక్స్ రాకెట్
నెల్లూరు, సెప్టెంబర్ 30,
నగరంలో ఓ ఇంట్లో గుట్టుచప్పుడు కాకుండా కొనసాగుతున్న వ్యభిచార దందాను పోలీసులు చేధించారు. రాంజీనగర్‌లోని 7వ వీధిలో గల ఎస్ఎస్ విల్లా అపార్ట్ మెంట్ లోని ఫ్లాట్ నెంబర్ 201లో వ్యభిచారం జరుగుతోందన్న సమాచారంతో బాలాజీనగర్ సీఐ సోమయ్య, ఎస్సైలు వీర ప్రతాప్, అంకమ్మలు సిబ్బందితో కలిసి సోమవారం తెల్లవారుజామున రైడ్ చేశారు.ఈ సందర్భంగా చక్కిరాల రామచంద్ర, సుభాషిణి, సయ్యద్ ఖాజా మోహిద్దీన్‌ అనే నిర్వాహకులను అరెస్ట్ చేశారు. వ్యభిచారం చేసేందుకు తీసుకొచ్చిన మహిళను రక్షించి రెస్క్యూ హోమ్‌కు తరలించారు. ఫ్లాట్‌లో రూ.13,760 నగదు, నాలుగు మొబైల్స్, 8 కండోమ్ ప్యాకెట్లను స్వాధీనం చేసుకున్నారునెల్లూరులో ఇటీవల అనేక వ్యభిచార ముఠాలను పోలీసులు పట్టుకున్నారు. పోలీసులు ఎన్ని దాడులు చేస్తున్న నిర్వాహకులు కొత్తదారిలో దందా నడుపుతున్నారు. ఇతర జిల్లాల నుంచి పేద, మధ్య తరగతి యువతులను తీసుకొచ్చి వారిలో సెక్స్ రాకెట్ నిర్వహిస్తున్నారు. సోషల్‌మీడియా ద్వారా విటులను ఆకర్షిస్తూ రూ.లక్షల్లో సంపాదిస్తున్నారు. బాలాజీనగర్‌లో నిర్వహిస్తున్న ఈ వ్యభిచార దందా గురించి కొద్దిరోజులుగా స్థానికుల నుంచి ఫిర్యాదులు వస్తున్నాయి. రాత్రివేళ అనేక మంది విటులు అపార్ట్‌మెంట్‌కి వచ్చి మహిళలతో అసభ్యంగా ప్రవర్తిస్తున్నారని ఆరోపిస్తున్నారు. ఈ నేపథ్యంలోనే పోలీసులు పక్కా సమాచారంతో రైడ్ చేసి నిర్వాహకులను అరెస్ట్ చేశారు.