అగ్నిప్రమాదంలో ఆరుగురికి తీవ్ర గాయాలు
చిత్తూరు  అక్టోబరు 3,
చిత్తూరు పట్టణం లో అగ్నిప్రమాదం జరిగింది. ,ఉదయం కాపీ త్రాగుదామని భావించిన ఆ కుటుంబం అగ్నికీలల్లో చిక్కుకుని ఆస్పత్రి పాలైంది. మిట్టూరు లోని ఒక  ఇంట్లో వంటగ్యాస్ లీక్ కావడంతో ఈ ఘటన జరిగింది.  ఆరు మందికి తీవ్ర గాయాలు అయ్యాయి.  ,గాయపడిన వారిని తొలుత చిత్తూరు ప్రభుత్వ ఆసుపత్రికి తరలించారు. తరువాత  మెరుగైన చికిత్స నిమిత్తం తిరుపతి రుయా ఆస్పత్రికి తరలించారు.   శాంతి(55), సుకన్య(40), ఉమాదేవి (30), పూర్ణిమ (32), మధు (7),  అనుదీపిక (8) మంటల్లో చిక్కుకుని గాయపడ్డారు.  సమాచారం అందుకున్న అగ్నిమాపక సిబ్బంది మంటలను అదుపు చేశారు. వన్ టౌన్ పోలీసులు కేసునమోదు చేసుకుని దర్యాప్తు చేస్తున్నారు. చిత్తూరు తహశీల్దార్ సుబ్రహ్మణ్యం ఆస్పత్రిలో బాధితులను పరామర్శించారు