చిరూ ఫ్యాన్స్ కు తమ్మారెడ్డి కౌంటర్
హైద్రాబాద్, 
చిరంజీవిని చూస్తే నాకు జెలసీ ఎందుకు ఉంటుందన్నారు నిర్మాత తమ్మారెడ్డి భరద్వాజ. సైరా కలెక్షన్ల గురించి ఇటీవల ఆయన విడుదల చేసిన వీడియోపై మెగా అభిమానులు ఆగ్రహం వ్యక్తం చేయడంతో దానిపై క్లారటీ ఇస్తూ మరో వీడియో వదిలారు.ఆయన మాట్లాడుతూ.. ‘నేను వారం రోజుల క్రితం ‘సైరా’ చిత్రం కోసం ఒక పోస్ట్ పెట్టా.. అది నేను సైరా రిలీజ్‌కి 
ముందు వీడియో చేశా. దాన్ని తప్పుగా అర్ధం చేసుకున్నారు. కలెక్షన్ల విషయంలో నేను ఏదో తప్పుగా మాట్లాడినట్టుగా నెగిటివ్ పోస్ట్‌లు పెట్టారు. నేను మాట్లాడిన దాంట్లో తప్పేం ఉందో నాకు అర్ధం కాలేదు. ఆదివారాని ముందే సైరా రూ. 300 కోట్లు వసూలు చేస్తుందని చెప్పా. ( సైరా అక్టోబర్ 2 బుధవారం రిలీజ్ అయ్యింది). ఒక్క బాహుబలి తప్ప వీకెండ్ ముందు 
రూ. 300 కోట్లు వసూలు చేసింది లేదు. హిందీలో కూడా లేదు. అయితే సైరా ఆ రికార్డుల్ని బ్రేక్ చేస్తుందని చెప్తే దాంట్లో నేను తప్పుగా మాట్లాడింది ఏంటో అర్ధం కాలేదు.నేను ఎవర్నో చూసి జెలసీ ఫీల్ అవుతున్నానట. నేను ఎవర్ని చూసి జెలసీ ఫీల్ కావాలి? అంత అవసరం ఏంటి? చిరంజీవిని చూసి నాకు జెలసీ ఎందుకు? ఆయన నటుడు, నేను దర్శకుడ్ని, 
నిర్మాతని. అసలు నాకు ఈ వయసులో జెలసీ దేనికి. నేను ఆయనలా నటుడ్ని కాలేను. ఆయన నిర్మాత కాదు, దర్శకుడు కాదు. అలాంటప్పుడు నాకు జెలసీ ఎందుకు ఉంటుంది. ఇవ్వాల ఆయన నాకు పోటీ కాదు. పోటీ అనుకున్నప్పుడు జెలసీ ఫీల్ అవుతాం కాని.. నేను సినిమాలు కూడా చేయడం మానేశా. ఈ టైంలో ఆయన్ని చూసి నేను ఎందుకు జెలసీ ఫీల్ 
అవుతా.ఏదో ఒక పోస్ట్ పెట్టి అట్రాక్ట్ చేయాలనే ఉద్దేశం తప్పితే మరోటి కాదు. నేను గతంలో పెట్టిన పోస్ట్‌కి 96 శాతం వ్యతిరేకంగా కామెంట్స్ వచ్చాయంటే.. అవి పెట్టిన వాళ్లు నిజంగా చిరంజీవి అభిమానులైతే కాదు. భరద్వాజ్ చిరంజీవిని తిట్టాడని అనుకుని పోస్ట్ పెట్టుంటారు తప్పితే నిజం లేదు. నేను సైరా రికార్డ్స్ సాధిస్తుందనే చెప్పా దాన్ని కూడా ట్రోల్స్ చేస్తుంటే 
నేను ఏం చెప్పాలి.నేను యూట్యూబ్‌‌లో డబ్బుల కోసమే వీడియోలు పెడుతున్నారని కూడా అంటున్నారు. అదే నిజం అయితే చిరంజీవి తిడుతేనే ఎక్కువ వ్యూస్ వస్తాయి. నేను అలా చేయలేదు. చిరంజీవి పొగిడా.. ఆయన సినిమాకి మంచి కలెక్షన్లు వస్తాయనే అన్నారు.ప్రతిదీ నెగిటివ్‌గా ఆలోచించడం మానేసి.. పిచ్చి పిచ్చి కామెంట్స్ చేయొద్దు. నా వయసు 
అయిపోయింది ఇది నాకు పెద్ద లెక్కకాదు. మీ కర్మ అని వదిలేస్తున్నా. సో.. నవ్వుకోవడం తప్ప నేను ఏం చేయలేను. దీనిపై నేను స్పందించాల్సిన అవసరం లేదు కాని.. 96 శాతం నన్ను వ్యతిరేకించారని అన్నారు కాబట్టే ఇది చెప్పాల్సి వచ్చింది. ఒకవేళ నేను నెగిటివ్ అంటే వదిలేయండి. మీ ఆరోగ్యం చెడుపుకోకండి’ అంటూ తనని ద్వేషించే వాళ్లకు క్లారిటీ 
ఇచ్చారు తమ్మారెడ్డి.