కామసూత్రను తలపించిన ఆర్ డీఎక్స్ 2
హైద్రాబాద్,
మద్యపానం-దూమపానం ఆరోగ్యానికి హానికరం’ అనే చట్టబద్దమైన హెచ్చరిక అన్ని సినిమాలకు కామన్‌గానే వేస్తారు. నా పేరు ముఖేష్ అని పలకరించడం ప్రతి సినిమాకు ఆనవాయితీ. ఈ సినిమాకు ‘అపరిచితులతో కండోమ్ లేకుండా సెక్స్ మీ జీవితానికే హానికరం’ అని హెచ్చరిక వేసి మరీ సినిమా ప్రారంభించడం ‘RDX LOVE’ సినిమా మూవీ లవర్స్‌కి ఎంత హానికరమో పూర్తైతే కాని తెలియలేదు.ఓపెనింగ్ సీన్‌లోనే సినిమా ఎలా ఉండబోతుందో అనే హింట్ ఇచ్చేశారు. ఒక నలుగురు అబ్బాయిలు ఒక అమ్మాయి రూంకి తెచ్చుకుంటే.. అందులో ఒక అబ్బాయి ఆ అమ్మాయితో రూంలో సెక్స్ చేస్తుంటాడు. ‘నాకు చెప్పకుండా అమ్మాయిని రూంకి తెచ్చుకుని ఎంజాయ్ చేస్తార్రా.. ఇది అన్యాయం’ అంటూ హీరో సిద్ధు (తేజస్ కంచర్ల) ఎంట్రీ ఇస్తాడు. లేదురా లోపల ఉన్నది కాల్ గర్ల్ కాదు.. మనోడి లవర్ అందుకే మేం బయట ఉన్నాడు. వాడు లోపల పనిలో ఉన్నాడు.. మేం బయట కాపలా ఉన్నాం’ అంటూ సర్ధిచెప్తారు. క్లైమాక్స్ గదిలో ఉండి ఆ అమ్మాయి బయటకు వచ్చి ఛీ.. నువ్ వర్జిన్‌వి కాదుగా’ అంటూ ఛీ కొట్టి కోపంగా బయటకు పోతుంది. సినిమా ఎలా ఉంటుందో.. ఉండబోతుందో అనడానికి మచ్చుతునక లాంటి సీన్ ఇది.ఇక..‘ఇంట్లో పేరెంట్స్ లేనప్పుడు మన ఒంట్లో ఫీలింగ్స్ కంట్రోల్‌లో పెట్టుకోవాలి. తప్పుదు అనుకుంటే సేఫ్టీలైనా అందుబోటులో ఉంచుకోవాలి.. మీకు కండోమ్స్ కావాలా’ బాబులూ అంటూ ఓ నలుగురు అమ్మాయిల్ని వెనుకు వేసుకుని సమాజసేవకిగా హీరోయిన్ అలివేలు (పాయల్ రాజ్ పుత్) రోడ్డెక్కి మరీ కండోమ్ పాకెట్స్ పంచుతూ ఉంటుంది. ‘మీరు ఎప్పుడైనా అపరిచితులతో సెక్స్ చేశారా?.. అపరిచితులతో కండోమ్ లేకుండా సెక్స్ మీ జీవితానికే హానికరం’ అంటూ హీరోకి సేఫ్టీ అందించడంతో ‘ఆర్ డీఎక్స్’ మొదలౌతోంది. ఇలా సేఫ్టీల వాడకం గురించి పూసగుచ్చినట్టు చెబుతూ ఉండటంతోనే సినిమా ఓ 30 నిమిషాలు గడిచిపోతుంది. అంటే హీరోయిన్ ఎంట్రీ సీన్ 30 నిమిషాల కండోమ్ యాడ్‌ మాదిరే ఉంది.ఇదేంటి? హీరో వచ్చాడు.. హీరోయిన్ వచ్చింది.. అసలు కథ ఎప్పుడు మొదలుపెడతాడు దర్శకుడు అనుకుంటే.. ఆ మాత్రం వెయిట్ చేయలేరా అనుకున్నాడో ఏమో కాని దర్శకుడు కథను టచ్ చేయకుండా ఇలాంటి వర్గల్ సీన్‌లతోనే తొలిభాగం నడిపించారు.అలాంటి వాటిలో మరో మచ్చుతునక ఈ సీన్.. ఒక ఊరిలో సారాయికి బానిసలై భర్తలెవరూ భార్యలతో కాపురం చేయరు. ఆ ఊరిలో ఎవరికీ పిల్లలే పుట్టరు. ఈ సమస్యను తీర్చడం కోసం రంగంలోకి దిగిన సమాజసేవకి పాయల్.. పెళ్లాలు భర్తలకు ఎలా గాలం వేయలో తెలియజేస్తూ పెళ్లాలకు మల్లెపూలను సప్లైయ్ చేస్తుంది. అది కూడా బెడిసి కొట్టడంతో హీరోగారి సాయంతో వాళ్లకు ‘వాత్సాయన కామ సూత్ర’ను బోధిస్తోంది. వెంటనే ఆ ఊరిలోని భార్యలందరూ భర్తల్ని మంచాలకు కట్టేసి మరీ జుగుప్సాకరంగా కాపురం చేస్తారు. ఈలోపు హీరోయిన్ ఓ సాంగ్ వేసుకుంటే.. ఆ ఊరి ఆడాళ్లకు వాంతులు అవుతుంటాయి. ఇలాంటి కళాఖండాలు సినిమాలో అనేకం ఉన్నాయి.. పచ్చిగా చెప్పాలంటే సినిమా మొత్తం ఈ బూతు బాగోతాలే ఉన్నాయి. 145 నిమిషాల పాటు ఓ పెద్ద స్థాయి అడల్ట్ మూవీని చూపించారు. మరేం కథలేదా ఈసినిమాలో అంటే.. ఉండకేం ఉంది.అభివృద్ధికి దూరంగా ఉన్న చంద్రన్న పేట అనే గ్రామానికి వంతెన లేకపోవడంతో వరుసగా ప్రాణ నష్టం జరుగుతూ ఉంటుంది. 40 పైగా గ్రామాలు ఉన్న ఆ ప్రాంతంలో జనం తక్కువగా ఉండటంతో ప్రభుత్వాలు పట్టించుకోవు. దీంతో చంద్రన్న పేట రివర్ బ్రిడ్జ్ నర్సయ్య (నరేష్) పోరాటం చేస్తుంటాడు. అతని కూతురే ఈ అలివేలు (పాయల్). చంద్రన్న పేట రివర్ బ్రిడ్జ్ కోసం సిటీకి వచ్చి అక్కడ ప్రభుత్వ పథకాల గురించి ప్రచారం చేసి సోషల్ సర్వీస్ ద్వారా ప్రభుత్వం దృష్టిలో పడి తమ ఊరి సమస్యను పరిష్కరించుకోవడం కోసం ప్రయత్నం చేస్తుంది అలివేలు.అయితే సీఎం (బాపినీడు)ను కలిసినా తన ఊరి సమస్య తీరకపోవడంతో హీరోని పావులా ఆడుకుని తన శీలాన్ని సైతం పణంగా పెట్టిమరీ ముఖ్యమంత్రి ఆట కట్టించి.. తన ప్రయత్నాన్ని అడ్డుకున్న మీడియా అధినేత గిరి ప్రకాష్ (ఆదిత్య మీనన్) కు ఎలా చెక్ పెట్టింది. తన ఆశయాన్ని ఎలా సాధించింది అన్నదే కథ.టీజర్, ట్రైలర్‌లలో ఇది A సర్టిఫికేట్ మూవీ అని హింట్ ఇచ్చిన దర్శకుడు శంకర్ భాను.. సినిమా మొత్తాన్ని అదే ఫ్లోతో తెరకెక్కించారు. బూతు డైలాగ్‌లు, అర్ధపర్ధంలేని సంభాషణలు, మితిమీరిన శృంగార సన్నివేశాలతో A సర్టిఫికేట్ మూవీకి ఎక్కువ నీలి చిత్రానికి తక్కువ అన్నట్టుగానే సీన్లను రాసుకున్నాడు. ఫ్యామిలీతో కలిసి ఈ సినిమా చూడాలనుకుంటే అది పెద్ద సాహసమే అవుతుంది. ఇక లవర్స్ అయినా ఎంజాయ్ చేస్తారంటే లాజిక్ లేని ఆ శృంగార సన్నివేశాలకు బెంబేలెత్తిపోతారు.ఫస్టాప్‌లో చాలా సాఫ్ట్‌గా ఆరబోతకు దూరంగానే ఉన్న పాయల్.. సెకండాఫ్‌లో తన గ్లామర్ యాంగిల్‌ని బయటకు తీసింది. ముద్దు కోసం ప్రియుడ్ని రెచ్చగొట్టే సీన్, నదిలో స్నానం చేస్తూ హీరోతో సబ్బు రుద్దించుకునే సీన్.. తేనెను తన నాభి, ఎదపై పడేలా చేసుకుని హీరోతో ఆ తేనెను నోటితో తీసే రొమాంటిక్ సీన్‌లలో రెచ్చిపోయింది పాయల్. తన ఆశయాన్ని సాధించడం కోసం హీరోకి తన శీలాన్ని అర్పించుకునే కామకేళి లాంటి సీన్లలో హీరో హీరోయిన్లు నటించమంటే జీవించేశారు. ముఖ్యంగా పాయల్ రాజ్ పుత్ అంగాగ ప్రదర్శనతో వేడిపుట్టించింది. శృంగార సన్నివేశాలు చేయడంలో తనకు తానే సాటి అని మరోసారి గ్లామర్ మంత్రాన్ని జపించింది. ఇదేమి కామకేళిరా దేవుడా అని ప్రేక్షకులతో దండాలు పెట్టేలా చేసింది.కొత్త హీరో మిగతా సీన్లలో పెర్ఫామెన్స్ కోసం ఇబ్బంది పడినా.. పాయల్‌ని చూసి ప్రేరణ పొందాడో ఏమో కాని శృంగార సన్నివేశాల్లో ఆమెతో పోటీ పడ్డాడు. ఇక ఈ సినిమాలో నరేష్, ఆమని లాంటి క్యారెక్టర్ ఆర్టిస్ట్‌లు ఉన్నప్పటికీ కాస్ట్లీ పెయిడ్ ఆర్టిస్ట్‌లు కావడం వల్లనో ఏమో కాని రెండు మూడు సీన్లకే పరిమితం చేశారు. విలన్‌గా ఆదిత్య మీనన్ పాత్ర రొటీన్‌గా ఉన్నప్పటికీ పాత్రకు న్యాయం చేశారు. ముఖ్యమంత్రిగా బాపీనీడు పర్వాలేదనిపించారు.ఇక టెక్నికల్ పరంగా పల్లెటూరు అందాలను బాగానే చూపించారు సినిమాటోగ్రాఫర్. ముఖ్యంగా హీరోయిన్ పాయల్‌ను వివిధ భంగిమల్లో చూపించి తన కెమెరాపనితనాన్ని ఆ రకంగా బయటకు తీశాడు. ఎమోషన్స్ సీన్లలోనూ పాయల్ నాభి సౌందర్యాలను చూపించేందుకు తాపత్రాయ పడ్డాడు. ఇక రాధన్ మ్యూజిక్ అంతంత మాత్రం గానే ఉంది. సీ కళ్యాణ్ ప్రొడక్షన్స్ వాల్యూస్ రిచ్‌గానే ఉన్నప్పటికీ కథలో కంటెంట్ లేకపోవడంతో తేలిపోయింది.