గుంటూరు జిల్లా పొన్నూరు నియోజకవర్గంలో వైసీపి అధినేత, ప్రతిపక్ష నాయకుడు జగన్మోహన్ రెడ్డి పాదయాత్ర 1500 కిలోమీటర్లు పూర్తి చేసుకుంది. ఈ సందర్భాన్ని పురస్కరించుకుని జగన్ ములుకుదురులో ఓ మొక్కను నాటారు.   వైఎస్‌ఆర్‌  జిల్లా ఇడుపుల‌పాయ‌లో గత ఏడాది నవంబర్‌ 6న  వైఎస్‌ జగన్‌ ప్రజాసంకల్పయాత్రకు శ్రీకారం చుట్టారు. 180 రోజులపాటు 125 నియోజకవర్గాల్లో 3వేల కిలోమీటర్ల మేర ఈ పాదయాత్ర సాగనుంది.  ఇప్ప‌టి వ‌ర‌కు వైఎస్ఆర్ జిల్లా, క‌ర్నూలు, అనంత‌పురం, చిత్తూరు, నెల్లూరు, ప్ర‌కాశం జిల్లాల్లో పాద‌యాత్ర పూర్తి కాగా ప్రస్తుతం  గుంటూరు జిల్లాలోని ప్ర‌వేశించింది.
పాదయాత్ర సందర్భంగా జగన్ ఏపీ సీఎం చంద్రబాబు ప్రజా వ్యతిరేక విధానాలను ప్రజల ముందుకు తీసుకువెళుతున్నారు.