కొలంబోలోని ఆర్.ప్రేమదాస స్టేడియంలో   బుధవారం జరిగిన ఈ మ్యాచ్‌లో టాస్ ఓడిన భారత్ తొలుత బ్యాటింగ్ చేసి నిర్ణీత 20 ఓవర్లలో మూడు వికెట్ల నష్టానికి 176 పరుగులు చేసింది. అనంతరం బరిలోకి దిగిన బంగ్లాదేశ్ 20 ఓవర్లలో ఆరు వికెట్లు కోల్పోయి 159 పరుగులు మాత్రమే చేసి పరాజయం పాలైంది. బంగ్లాదేశ్‌తో జరిగిన ఐదో మ్యాచ్‌లో భారత్ 17 పరుగుల తేడాతో విజయం సాధించి దర్జాగా ఫైనల్లోకి దూసుకెళ్లింది. దీనితో  నిదహాస్ ట్రోఫీ పైనల్లోకి  భారత్ ప్రవేశించింది. ఈ టో ర్నీలో మూడు మ్యాచ్‌లు గెలిచిన భారత్ నేరుగా ఫైనల్లోకి దూసుకెళ్లింది. బంగ్లాదేశ్ 20 ఓవర్లలో 6 వికెట్ల నష్టానికి 159 పరుగులు మాత్రమే చేసి విజయానికి 17 పరుగుల దూరంలో నిలిచిపోయింది. అద్భుతంగా ఆడిన రోహిత్ శర్మకు మ్యాన్ ఆఫ్ మ్యాచ్ అవార్డు లభించింది.మూడేసి మ్యాచ్‌లు ఆడిన శ్రీలంక, బంగ్లాదేశ్ చెరో గెలుపుతో రెండు పాయింట్లతో సమ ఉజ్జీలుగా ఉన్నాయి. దీంతో రేపటి మ్యాచ్‌లో అమీతుమీ తేల్చుకోనున్నాయి.