ఆంధ్ర ప్రదేశ్ రాష్ట్రం జనసేన పార్టీని బలోపేతం చేసుకునే దిశగా ఆ పార్టీ అధినేత పవన్ కళ్యాణ్  ప్రయత్నాలు చేస్తున్నారు. బుధవారం గుంటూరులో జరిగిన పార్టీ ఆవిర్భావ సభ కార్యకర్తల్లో కొత్త ఉత్సాహాన్ని నిప్పిన సంగతి తెలిసిందే. ఆ  సభ అనంతరం అయన వరుస సమావేశాలతో బిజీ బిజీగా గడిపారు. ఇందులో భాగంగా సభకు విచ్చేసిన ఎన్నారై వింగ్ తో పవన్  గురువారం భేటీ అయ్యారు. ఈ భేటీలో  పార్టీ భవిష్యత్ కార్యాచరణను, పార్టీ నిర్మాణంపై చర్చించినట్టుగా సమాచారం. దాదాపు 40 మంది ఎన్నారై కార్యకర్తలు ఈ సమావేశానికి హాజరైనట్టు తెలుసింది. ఈ భేటీ అనంతరం వామపక్ష నేతలతో ఆయన సమావేశం కానున్నారు.