తెలంగాణ బంద్ ను విజయవంతం చేయాలని కోరుతూ ఆర్టీసీ కార్మికుల బైక్ ర్యాలీ
సిద్దిపేట   
హుస్నాబాద్ లో ఆర్టీసీ కార్మికుల సమ్మె 14 వ రోజు కొనసాగుతుంది. సమ్మెలో భాగంగా నేడు హుస్నాబాద్ బస్ డిపో నుండి అంబేద్కర్ చౌరస్తా వరకు రేపటి బంద్ ను విజయవంతం చేయాలని కోరుతూ కార్మికులు భారీగా బైక్ ర్యాలీ చేపట్టారు. విపక్షాలు, ఉపాధ్యాయ సంఘాలు ఆర్టీసీ కార్మికుల సమ్మెకు మద్దతు తెలిపి బైక్ ర్యాలీలో పాల్గొన్నాయి. ప్రభుత్వ  వ్యతిరేక నినాదాలతో అంబేద్కర్ చౌరస్తా వద్ద ఆర్టీసీ కార్మికులు కొద్దిసేపు ఆందోళన చేపట్టడంతో వాహనాలు కొద్ది దూరం వరకు అరగంట పాటు నిలిచిపోయాయి. ఈ సందర్భంగా ప్రభుత్వం తన మొండి వైఖరిని విడిచిపెట్టి తమ న్యాయమైన డిమాండ్లను పరిష్కరించాలని కార్మికులు డిమాండ్ చేశారు.