విమానంలో తరలిస్తున్న బంగారు కడ్డీలు ఆకాశం నుంచి వర్షంలా జారిపడ్డాయి. సుమారు మూడు టన్నుల బరువుగల బంగారు కడ్డీలు విమానం నుంచి రన్ వైపై చెల్లాచెదురుగా పడ్డాయి.రష్యాలోని యకుస్క్‌ ప్రాంతంలో విమానాశ్రయం నుంచి నింబస్‌ ఎయిర్‌ లైన్స్ కు చెందిన ఆన్‌-12 కార్గో విమానం ఖరీదైన లోహాలతో క్రస్నోయాస్క్‌ బయల్దేరింది. విమానం టేకాఫ్ తీసుకున్న కాసేపటికే విమానం డోర్ తెరుచుకోవడంతో బంగారపు కడ్డీలు జలజలా జారిపడ్డాయి. ఈ కడ్డీలు మొత్తం 172 అని, వాటి బరువు 3.4 టన్నులని అధికారులు నిర్ధారించారు. విమానంలో మొత్తం 9.3 టన్నుల బంగారం ఉందని.అందులోంచి  కొంత కిందపడిందని పేర్కొంటున్నారు.