దుమ్ము రేపిన స్టాక్ మార్కెట్లు
ముంబై, అక్టోబర్ 30, (న్యూస్ పల్స్)
దేశీ స్టాక్ మార్కెట్ మళ్లీ ర్యాలీ చేసింది. బెంచ్‌మార్క్ సూచీలు భారీ లాభాలతో దూసుకెళ్లాయి. ప్రభుత్వ రంగ బ్యాంక్, ఐటీ, ఎప్ఎంసీజీ రంగ షేర్లు పరుగులు పెట్టడం మార్కెట్‌కు కలిసొచ్చింది. సెన్సెక్స్ 40,000 పాయింట్ల పైన క్లోజయ్యింది. జూన్ 4 నుంచి చూస్తే సెన్సెక్స్‌ ఈ స్థాయిలో క్లోజ్ కావడం ఇదే తొలిసారి. నిఫ్టీ కూడా 11,800 పాయింట్ల మార్క్‌ పైనే ముగిసింది. జూలై 5 నుంచి చూస్తే సూచీ ఈ స్థాయిలో క్లోజ్ కావడం ఇదే ప్రథమం.బుధవారం చివరకు సెన్సెక్స్ 220 పాయింట్ల లాభంతో 40,052 పాయింట్ల వద్ద, నిఫ్టీ 57 పాయింట్ల లాభంతో 11,844 పాయింట్ల వద్ద క్లోజయ్యాయి. సెన్సెక్స్ ఇంట్రాడేలో 346 పాయింట్ల మేర పెరిగింది. నిఫ్టీ కూడా 97 పాయింట్లు పైకి కదిలింది. ప్రభుత్వ రంగ బ్యాంక్ షేర్లు పరుగులు పెట్టారు నిఫ్టీ 50లో గెయిల్, గ్రాసిమ్, ఎస్‌బీఐ, టీసీఎస్, ఐటీసీ షేర్లు లాభాల్లో క్లోజయ్యాయి. గెయిల్ 6 శాతానికి పైగా పెరిగింది.