బయోడైవర్శటీ బయోడైవర్శటీ  ఫ్లైఓవర్ షురూ
హైద్రాబాద్, నవంబర్ 4,
గ్యనగరవాసుల ట్రాఫిక్ కష్టాలను తీర్చిదిద్దేందుకు ప్రభుత్వం ఫ్లైఓవర్ల నిర్మాణం చేపట్టింది. స్ట్రాటజీక్ రోడ్ డెవలప్‌మెంట్ ప్లాన్ (ఎస్ఆర్డీడీపీ) ప్యాకేజీలో భాగంగా ఇప్పటికే పలుచోట్ల నిర్మాణాలు జరుగుతున్నాయి. తాజాగా బయోడైవర్సిటీ జంక్షన్ దగ్గర సెకెండ్ ఫేజ్ ఫ్లైఓవర్‌ను మంత్రి కేటీఆర్ సోమవారం ప్రారంభించారు. ఈ ఫ్లైఓవర్ వల్ల మెహిదీపట్నం నుంచి మైండ్‌స్పేస్ మీదుగా హైటెక్ సిటీకి వచ్చే ప్రయాణికుల ట్రాఫిక్ కష్టాలకు ఫుల్ స్టాప్ పడనుంది. మరింత సులభంగా హైటెక్ సిటీకి చేరుకునే అవకాశముంది.దాదాపు రూ.70 కోట్ల వ్యయంతో 900 మీటర్ల పొడవు మూడు వరుసల్లో ఈ ఫ్లైఓవర్‌ను నిర్మించారు. ఎస్సార్డీపీ ప్యాకేజీలో భాగంగా మైండ్ స్పేస్ జంక్షన్, అయ్యప్ప సొసైటీ జంక్షన్, రాజీవ్ గాంధీ జంక్షన్ దగ్గర పలు ప్రాజెక్టులను చేపట్టారు. వీటి వల్ల ఆయా రూట్లలో ట్రాఫిక్ కష్టాలకు చెక్ పడింది. తాజాగా బయోడైవర్సిటీ సెకండ్ లెవల్ ఫ్లైఓవర్‌తో మెహిదీపట్నం నుంచి మైండ్ స్పేస్ మార్గంలో ట్రాఫిక్ కష్టాల నుంచి ఉపశమనం లభించనుంది. ఈ మార్గంలో గంటకు 14 వేల వాహనాలు నడుస్తుండటంతో రద్దీ ఎక్కువగా ఉంటోంది. తాజాగా, ఫ్లైఓవర్ అందుబాటులోకి రావడంతో ట్రాఫిక్ కష్టాలు తగ్గుతాయి. రాయదుర్గం దివ్య శ్రీ ఐటీ పార్క్ వద్ద ఈ ఫ్లైఓవర్ ప్రారంభమై బయోడైవర్సిటీ పార్క్ జంక్షన్ మీదుగా మైహోం స్కైవ్యూ వద్ద ముగుస్తుంది.హైదరాబాద్‌లోని ప్రధాన జంక్షన్ల వద్ద ట్రాఫిక్ నియంత్రించి,సిగ్నల్‌ బాధలు లేకుండా చేయాలన్న ఉద్దేశంతో ప్రభుత్వం పలు చోట్ల వంతెనలను నిర్మిస్తోంది. ఇప్పటికే కొన్ని పైవంతెనలు అందుబాటులోకి వచ్చాయి. అండర్‌పాస్‌ మార్గలూ పూర్తయ్యాయి.
మరో రెండింటికి శంకుస్థాపన
రాష్ట్ర ఐటీ, పరిశ్రమల శాఖ మంత్రి కేటీఆర్ నగరంలో  పర్యటించారు. గచ్చిబౌలి వద్ద రెండు ఫ్లై ఓవర్లు, అండర్‌పాస్ నిర్మాణానికి కేటీఆర్ శంకుస్థాపన చేశారు. రెండు ఫ్లై ఓవర్లు, అండర్‌పాస్‌ను రూ. 330 కోట్ల వ్యయంతో నిర్మించనున్నారు. వ్యూహాత్మక రోడ్ల అభివృద్ధి ప్రణాళిక(ఎస్‌ఆర్‌డీపీ) కింద ఈ ప్రాజెక్టులను నిర్మించనున్నారు. ఈ శంకుస్థాపన కార్యక్రమంలో విద్యాశాఖ మంత్రి సబితా ఇంద్రారెడ్డి, ఎమ్మెల్యే అరికెపూడి గాంధీ, మేయర్ బొంతు రామ్మోహన్, జీహెచ్‌ఎంసీ కమిషనర్ లోకేష్ కుమార్ పాల్గొన్నారు.