సీపీకి కలిసిన టీడీపీ నేతలు
విజయవాడ
గురువారం మధ్యాహ్నం విజయవాడ సిటీ కమిషనర్  ద్వారకా తిరుమల రావును  మాజీమంత్రులు దేవినేని ఉమామహేశ్వరరావు, కొల్లు రవీంద్ర, మాజీ ఎమ్మెల్యే బోండా ఉమామహేశ్వర రావు, తెలుగుదేశం పార్టీ జిల్లా అధ్యక్షుడు, ఎమ్మెల్సీ బచ్చుల అర్జునుడులు  కలిసారు. ఈ నెల14వ తేదీన భవన నిర్మాణ కార్మికులకు అండగా తెలుగుదేశం పార్టీ ఆధ్వర్యంలో ఇసుక కొరత మీద మాజీ ముఖ్యమంత్రి, తెలుగుదేశంపార్టీ అధ్యక్షుడు నారా చంద్రబాబునాయుడు  విజయవాడలో తలపెట్టిన నిరాహార దీక్షకు అనుమతి కోరారు. దానికోసం ఒక వినతి పత్రం అందజేశారు.