అన్న క్యాంటీన్లకు తెరవాలి
అమరావతి నవంబర్  11:
కష్టపడి సంపాదించుకునే దారుల్ని ప్రభుత్వం మూసేస్తే, పనిలేక ఆకలి చల్లార్చుకోడానికి కొంతమంది కూలీలు ఆలయాల్లో అన్న ప్రసాదాలమీద ఆధారపడుతున్నారంటే బాధేస్తోందని మాజీ ముఖ్యమంత్రి చంద్రబాబు నాయుడు అన్నారు. సోమవరం అయన ట్వీట్టర్ లో కామెంట్లు పెట్టారు. ఇంకొకచోట మెతుకుకోసం చెత్తకుప్పల్లో వెతుకుతున్న కూలీని తలచుకుంటే కళ్ళు చెమర్చుతున్నాయి. ప్రజలకు ఇలాంటి దయనీయ పరిస్థితులు తెచ్చినందుకు వైసీపీ పాలకులు సిగ్గుపడాలని అయన అన్నారు. అధికారంలోకి వచ్చిన 5నెలల్లో ఇదేనా మీరు సాధించిన ఘనకార్యం?  కనీసం అన్నక్యాంటీన్ ఉన్నా ఈ పరిస్థితిలో కూలీలను ఆదుకునేది. సాకులు చెప్పకుండా వెంటనే అన్నక్యాంటీన్ లను తెరిచి పేదలను ఆదుకోండని అయన వ్యాఖ్యానించారు.