.jpg)
వర్మ మూవీలో శ్రీరెడ్డి
హైద్రాబాద్, నవంబర్ 13
సంచలన దర్శకుడు రామ్ గోపాల్‌ వర్మ మరో తెరకెక్కి్స్తున్న మరో వివాదాస్పద చిత్రం కమ్మ రాజ్యంలో కడప రెడ్లు. ప్రస్తుతం రాజకీయల మీద సెటైరికల్‌గా తెరకెక్కుతున్న ఈ సినిమాలో ఆంధ్రప్రదేశ్ ముఖ్యమంత్రి వైఎస్‌ జగన్‌మోహన్‌రెడ్డి, ప్రతిపక్షనాయకుడు చంద్రబాబు నాయుడు, ఆయన తనయుడు లోకేష్‌ బాబు, పవన్‌ కళ్యాణ్‌, కేఏ పాల్‌ను పోలిన పాత్రలు ఉన్నాయి. అయితే వర్మ మాత్రం తాను ఎవరినీ ఉద్దేశించి ఈ సినిమా తీయటం లేదని ఏపాత్రతో అయిన పోలిక ఉంటే అది కేవలం యాధృచ్చికమే అంటున్నాడు.తాజాగా ఈ సినిమాకు సంబంధించి మరో ఆసక్తికర వార్త టాలీవుడ్‌ సర్కిల్స్‌లో వినిపిస్తోంది. ఈ సినిమాలో తెలుగునాట సంచలనం సృష్టించిన వివాదాస్పద నటి శ్రీరెడ్డి ఓ పాత్రలో నటిస్తుందన్న ప్రచారం జరుగుతోంది. తెలుగు ఇండస్ట్రీలో కాస్టింగ్‌ కౌచ్‌పై గళం విప్పిన శ్రీరెడ్డి ఫిలిం చాంబర్‌ ముందు అర్థ నగ్న ప్రదర్శన చేసి సంచలనం సృష్టించింది.తరవాత కూడా పలు వివాదాస్పద వ్యాఖ్యలతో అందరి దృష్టినీ ఆకర్షించింది. ముఖ్యంగా పవన్‌ కళ్యాణ్‌ ఉద్దేశించి శ్రీరెడ్డి చేసిన కామెంట్స్‌ అప్పట్లో సంచలనం సృష్టించాయి. ఇప్పుడు ఆ సంఘటనకు సంబంధించిన సన్నివేశలంలోనే శ్రీరెడ్డి వర్మ సినిమాలో నటిస్తుందన్న టాక్‌ వినిపిస్తోంది. ప్రస్తుతం క్లైమాక్స్‌ సినిమాలో వివాదాస్పద నటిగా నటిస్తున్న శ్రీరెడ్డి, వర్మ తెరకెక్కిస్తున్న కమ్మ రాజ్యంలో కడప రెడ్లు సినిమాలోనూ అలాంటి పాత్రలోనే కనిపించనుందట.ఇప్పటికే టీజర్‌, ట్రైలర్‌, పాటలతో సినిమా మీద అంచనాలు పెంచేశాడు వర్మ. ఇప్పుడు శ్రీరెడ్డి కూడా ఈ సినిమాతో నటిస్తుందన్న ప్రచారం జరుగుతుండటంతో కమ్మ రాజ్యంలో కడప రెడ్లు మరింత వివాదాస్పదమయ్యే అవకాశాలు ఉన్నాయంటున్నారు ఇండస్ట్రీ జనాలు. టైగర్‌ కంపెనీ ప్రొడక్షన్‌, అజయ్‌ మైసూర్‌ ప్రొడక్షన్‌ సంయుక్తంగా నిర్మిస్తున్న కమ్మ రాజ్యంలో కడప రెడ్లు సినిమాను సిద్ధార్థ్ తాతోలుతో కలిసి డైరెక్ట్ చేస్తున్నాడు వర్మ. ఇప్పటికే షూటింగ్ పూర్తి చేసుకున్న ఈ సినిమా త్వరలో ప్రేక్షకుల ముందుకు రానుంది.