ఇంద్రకీలాద్రిలో ఏపీ సీఎస్
విజయవాడ 
రాష్ట్ర  తొలి మహిళా ప్రభుత్వ ప్రధాన కార్యదర్శి నీలం సాహ్ని శుక్రవారం ఉదయం  విజయవాడ కనకదుర్గమ్మను దర్శించుకున్నారు. ఆమెకు ఆలయ అధికారులు మేళతాళాల మధ్య స్వాగతం పలికారు. నీలం సాహ్నికి ఈవో సురేష్ బాబు అమ్మవారి చిత్రపటాన్ని, ప్రసాదాన్ని అందించారు. తరువాత ఆమె మీడియాతో మాట్లాడారు. ప్రభుత్వ ప్రధాన కార్యదర్శి హోదాలో దుర్గమ్మను దర్శించుకోడం సంతోషంగా ఉందని నీలం సాహ్ని తెలిపారు. ముఖ్యమంత్రి జగన్ ఆధ్వర్యంలో రాష్ట్ర అభివృద్ధికి పాటుపడతామన్నారు. జగన్ సంక్షేమ పథకాలకు పెద్ద పీట వేస్తున్నారని తెలిపారు.