.jpg)
యావరేజ్ టాక్ తో సందీప్ తెనాలి
హైద్రాబాద్, నవంబర్ 15,
క్యారెక్టర్‌ ఆర్టిస్ట్‌గా ఇండస్ట్రీకి పరిచయమై తరువాత హీరోగా టర్న్‌ అయిన యువ నటుడు సందీప్ కిషన్‌. హీరోగా మంచి విజయాలే సాధించినా సందీప్ స్టార్ ఇమేజ్‌ను మాత్రం అందుకోలేకపోయాడు. కథ ఎంపికలో చేసిన పొరపాట్లు ఈ యంగ్ హీరో కెరీర్‌ను ఇబ్బందుల్లోకి నెట్టింది. అయితే తప్పటడుల నుంచి గుణపాఠాలు నేర్చుకున్న సందీప్ ఇప్పుడు కెరీర్‌ను జాగ్రత్తగా ప్లాన్ చేస్తున్నాడు.ఇటీవల నిను వీడని నీడను నేనే సినిమాతో మంచి సక్సె్‌స్‌ అందుకున్న సందీప్ కిషన్‌, తాజాగా తెనాలి రామకృష్ణ బీఏబీఎల్‌ సినిమాతో ప్రేక్షకుల ముందుకు వచ్చాడు. కామెడీ ఎంటర్‌టైనర్‌గా తెరకెక్కిన ఈ సినిమాకు జీ నాగేశ్వర్‌రెడ్డి దర్శకుడు. హన్సిక హీరోయిన్‌గా నటించగా తమిళ నటి వరలక్ష్మీ శరత్కుమార్ మరో కీలక పాత్రలో నటించింది.కథ విషయానికి వస్తే.. తెనాలి రామకృష్ణ బీఏబీఎల్‌ (సందీప్ కిషన్‌) లాయర్‌. తన దగ్గరి వచ్చే క్లయింట్స్‌కు ఎన్ని ఆఫర్లు ఇచ్చిన వాళ్లు కేసులు ఇవ్వకపోవటంతో ఖాళీగా టైం పాస్‌ చేస్తుంటాడు. చిన్న చితక కేసులు వచ్చినా.. తన కొడుకు పెద్ద కేసు వాదించి పెద్ద పేరు తెచ్చుకోవాలని ఆ కేసులను కూడా తెనాలికి రాకుండా చేస్తుంటాడు అతని తండ్రి దుర్గారావు (రఘుబాబు). కేసులు లేక ఖాళీగా ఉన్న తెనాలి... క్రిమినల్‌ లాయర్‌ చక్రవర్తి (మురళీ శర్మ) కూతురు రుక్మిణి (హన్సిక)తో ప్రేమలో పడతాడు.కర్నూలు సిటీలో సింహాద్రి నాయుడు ( అయ్యప్ప శర్మ), వరలక్ష్మీ దేవీ (వరలక్ష్మీ శరత్కుమార్)ల మధ్య ఆదిపత్య పోరు జరుగుతుంటుంది. రౌడీగా మొదలయ్యి, కోట్లు సంపాందించిన సింహాద్రి నాయుడు రాజకీయాల్లోనూ తన పవర్‌ చూపించాలనుకుంటాడు. కానీ ఇండస్ట్రియలిస్ట్‌ అయిన వర్మలక్ష్మీ ప్రజలకు మంచి చేస్తూ తన సేవా కార్యక్రమాలతో జనానికి దగ్గరవుతుంది. దీంతో వరలక్ష్మీ తన పొలిటికల్‌ కెరీర్‌కు అడ్డుపడుతుందని భావిస్తాడు సింహాద్రి నాయుడుఅదే సమయంలో కర్నూలు సిటీలో ఓ జర్నలిస్ట్‌ హత్య జరుగుతుంది. దీన్ని అవకాశంగా తీసుకున్న సింహాద్రి నాయుడు ఆ కేసులో వరలక్ష్మీని ఇరికించాలనుకుంటాడు. అందుకు లాయర్‌ చక్రవర్తి సాయం చేస్తాడు. కానీ చివరి నిమిషంలో తెనాలి, అసలు నిజం బయటపెట్టి వరలక్ష్మీని శిక్ష నుంచి తప్పిస్తాడు. కేసు గెలిచిన ఆనందంలో ఉన్న తెనాలికి జర్నలిస్ట్‌ హత్యకు సంబంధిచిన నిజం తెలుస్తుంది. అసలు ఆ జర్నలిస్ట్‌లు ఎవరు హత్య చేశారు..? ఆ విషయాన్ని తెనాలి ఎలా బయటపెట్టాడు? అన్నదే మిగతా కథ.కామెడీ ఎంటర్‌టైనర్‌లతో మంచి విజయాలు సాధించిన దర్శకుడు జీ నాగేశ్వర రెడ్డి ఈ సినిమాను కూడా అదే స్టైల్‌లో ప్లాన్ చేశాడు. అయితే ఆ స్టైల్ మరీ రొటీన్‌ ఉండటంతో పెద్దగా వర్క్‌ అవుట్ కాలేదు. సినిమాను ఇంట్రస్టింగ్‌గా మొదలు పెట్టిన దర్శకుడు, ఫస్ట్ హాఫ్‌లో ఆ పాయింట్‌ను పూర్తిగా పక్కన పెట్టేశాడు. ప్రథమార్థం అంతా హీరో హీరోయిన్ల మధ్య లవ్‌ సీన్స్‌తోనే సరిపెట్టేశాడు. అక్కడక్కడా కామెడీ, కొన్ని ఎమోషనల్‌ సీన్స్‌ వర్క్‌ అవుట్ అయినా ప్రేక్షకుడిని ఎంగేజ్‌ స్థాయిలో అయితే లేవు. అసలే నెమ్మదిగా సాగుతున్న కథనాన్ని పాటలు మరింత ఇబ్బంది కరంగా మార్చాయి. పాటలు కావాలని ఇరికించినట్టుగా అనిపిస్తాయి.ఇంటర్వెల్ సమయానికి కథ కాస్త గాడిలో పడినట్టుగా అనిపిస్తుంది. ఇంట్రస్టింగ్ ట్విస్ట్‌ తో బ్రేక్‌ ఇచ్చిన దర్శకుడు తరువాత కథనాన్ని మరింత నీరసంగా మార్చేశాడు. హీరో, విలన్‌ మధ్య ఎత్తు పై ఎత్తులతో ఇంట్రస్టింగ్‌గా నడిపించే అవకాశం ఉన్నా కామెడీకే ఇంపార్టెన్స్‌ ఇస్తూ.. ఏ మాత్రం లాజిక్‌ లేని సన్నివేశాలతో బోర్‌ కొట్టించాడు. ద్వితీయార్థంలో కామెడీ మాత్రం ఆకట్టుకుంటుంది. ప్రీ క్లైమాక్స్‌, క్లైమాక్స్‌ సన్నివేశాలు కూడా సాదాసీదాగా సాగటంతో తెనాలి రామకృష్ణ ప్రేక్షకులను నిరుత్సాహపరుస్తాడు.నటీనటుల విషయానికి వస్తే సందీప్ కిషన్‌ తన పాత్రకు పూర్తి న్యాయం చేశాడు. కామెడీ, యాక్షన్‌ సీన్స్‌లో ఇరగదీశాడు. సినిమా అంతా తన భుజస్కందాల మీదే నడిపించాడు. చాలా కాలం తరువాత టాలీవుడ్‌కు రీ ఎంట్రీ ఇచ్చిన హన్సిక మెప్పించ లేకపోయింది. తన పాత్రకు పెద్దగా ఇంపార్టెన్స్‌ లేకపోవటం, తన లుక్స్‌ కూడా అంతగా ఆకట్టుకోకపోవటంతో నిరాశపరిచింది. తమిళ నటి వరలక్ష్మీ శరత్‌ కుమార్ సినిమా అంతా సింగిల్‌ ఎక్స్‌ప్రెషన్‌కే పరిమితమైంది. అయితే తన పాత్రకు కావాల్సిన హుందాతనం చూపించటంలో వరలక్ష్మీ సక్సెస్‌ అయ్యింది. మురళీ శర్మ రొటీన్‌ పాత్రలో కనిపించాడు. ఇతర పాత్రల్లో రఘుబాబు, వెన్నెల కిశోర్‌, ప్రభాస్‌ శ్రీను, సప్తగిరి, పోసాని కృష్ణమురళీ తదితరులు తమ పరిధి మేరకు ఆకట్టుకున్నారు.కామెడీని పండించటంలో మంచి పేరున్న దర్శకుడు నాగేశ్వర రెడ్డి ఈ సినిమాలో కాస్త తడబడ్డాడనే చెప్పాలి. ఏ మాత్రం కొత్తదనం లేని కామెడీ సన్నివేశాలతో బోర్‌ కొట్టించాడు. వరలక్ష్మీ, అయ్యప్ప శర్మ లాంటి ఇంటెన్స్‌ యాక్టర్స్‌ ఉన్నా వాళ్లను పూర్తి స్థాయిలో ఉపయోగించుకోలేదేమో అనిపిస్తుంది. సినిమా నిడివి తక్కువే అయినా కథనం ఆసక్తికరంగా లేకపోవటంతో భారంగా సాగుతున్న ఫీలింగ్ కలుగుతుంది. ప్రతీ సన్నివేశం ప్రేక్షకుడి ఊహకు తగ్గట్టుగా సాగుతూ విసిగిస్తుంది.సాయి కార్తీక్‌ అందించిన పాటలు పరవాలేదనిపిస్తాయి. నేపథ్య సంగీతం ఆకట్టుకుంటుంది. అక్కడక్కడా సన్నివేశాలను బ్యాక్‌గ్రౌండ్‌ స్కోర్‌ డామినేట్ చేసిన ఫీలింగ్ కలుగుతుంది. సినిమాటోగ్రఫి బాగుంది. యాక్షన్‌ సీన్స్‌లో పిక్చరైజేషన్‌ ఆకట్టుకుంటుంది. ఎడిటింగ్ విషయంలో ఇంకాస్త దృష్టి పెట్టాల్సింది. నిర్మాణ విలువలు బాగున్నాయి.