కిడ్నాప్ ను చేధించిన పోలీసులు
హైదరాబాద్ 
మీర్ పేట్ పోలీస్ స్టేషన్ పరిధిలో ఆదివారం  కిడ్నాప్ కు గురైన బాలుడిని పోలీసులు క్షేమంగా తీసుకువచ్చారు. బాలుడి  పేరు గుర్రం అర్జున్. ఏడు సంవత్సరాల ఆర్జున్ టీఎస్ఆర్ స్విమ్మింగ్ ఫుల్ దగ్గర ఆడుకుంటున్నప్పుడు ఒక మైనర్ నిందితుడు కిడ్నాప్ చేసాడు. నిందితుడు 10 వ తరగతి చదువుతున్నాడు.. గతంలో కూడా అతడు  లక్ష రూపాయలు దొంగతనం చేశారు. కేసు విషయంలో రాచకొండ పోలీసు కమిషనర్ మహేష్ భగవత్ మీడియాతో మాట్లాడారు. నిందితుడు మైనర్ అయినా కేర్ అండ్ ప్రోటాక్షన్ యాక్ట్ ప్రకారం..మేజర్  ఆఫన్డర్ గా నిర్ధారించి కోర్టు లో ప్రవేశ పెడుతామని అన్నారు. కిడ్నాప్ గురైన బాలుడు అర్జున్ తండ్రి రాజు సాఫ్ట్ వేర్ ఉద్యోగి. అర్జున్ ని కిడ్నాప్ చేసిన తర్వాత నిందితుడు మూడు లక్షల రూపాయలు డిమాండ్ చేశాడు. 25 వేల నగదు, 2 లక్షల 75 వేల చెక్ ఇస్తే వదిలి పెడతానని అర్జున్ తండ్రికి ఫోన్ చేసి బెదిరించాడు. మీర్ పేట్ పోలీసులు చాకచక్యంగా వ్యవహరించి కిడ్నాపర్ బాలుడిని పట్టుకున్నారని అన్నారు. కిడ్నాపర్ బాలుడిని అరెస్ట్ చేసి జువైనల్ హోమ్ కి తరలించామని అయన అన్నారు.