సిలిండర్ పేలి నలుగురికి గాయాలు
అనంతపురం నవంబర్ 23, 
అనంతపురం జిల్లా కంబదూరు మండలం నూతిమడుగు గ్రామ శివారులో సిలిండర్ పేలి నలుగురికి గాయాలయ్యాయి. తమిళనాడు నుంచి వలస వచ్చి నూతిమడుగు శివార్లలో ఏర్పాటు చేసుకున్న తాత్కాలిక షెడ్లో వడియాలు తయారు చేస్తూ గ్రామీణ ప్రాంతాల్లో అమ్ముకుంటున్న వారి కుటుంబంలో ఈ సంఘటన జరిగింది. సిలిండర్ పేలి తమిళనాడు వాసులు నివాసముంటున్న నివాస ప్రాంతం అంతా బీభత్సంగా మారింది. వారితో పాటు ఉన్న మారుతి ఓమ్ని వేన్ కూడా అంటుకోవడంతో గ్రామంలోని యువకులు దూరంగా లాక్కెళ్లి మంటలు ఆర్పారు. ఈ సంఘటనలో ఆ గ్రామంలో స్థిరపడిన మునియాండి అనే తమిళనాడు మహిళతో పాటు ఆ గ్రామస్తులు బెస్త వెంకటరమణ, మునియమ్మ, ఓ చిన్నారి గాయపడ్డారు. వీరిని చికిత్స నిమిత్తం  అనంతపురం ఆసుపత్రి కి తరలించారు.