పెద్దశేష వాహనంపై వైకుంఠనాథ పెరుమాళ్ అలంకారంలో శ్రీ పద్మావతి
తిరుమల  
తిరుచానూరు శ్రీ పద్మావతి అమ్మవారి కార్తీక బ్రహ్మోత్సవాల్లో  ఏడు తలలు గల పెద్దశేషవాహనం పై వైకుంఠనాథ పెరుమాళ్ అలంకారంలో శంకుచక్రాలు, గదతో అమ్మవారు భక్తులకు అభయమి చ్చారు. అశ్వాలు, వృషభాలు, గజాలు ఠీవిగా ముందు కదులుతుండగా మంగళవాయి ద్యాలు, భక్తుల కోలాటాలు, భజనల నడుమ అమ్మవారు ఆలయ నాలుగు మాడ వీధుల్లో భక్తులకు దివ్య దర్శనమిచ్చారు.  అడుగడుగునా భక్తులు అమ్మవా రికి హారతులు పట్టి సేవించుకున్నా రు.
శ్రీ పద్మావతి అమ్మవారి కార్తీక బ్రహ్మోత్సవాలలో రెండవ వాహనం పెద్దశేషుడు. లక్ష్మీ సహితుడైన శ్రీవారికి దాసుడిగా, సఖుడిగా, శయ్యగా, సింహాసనంగా, ఛత్రంగా సమయోచితంగా సేవలందిస్తాడు. అభయ వరదహస్తయైన శ్రీవారి పట్టమహిషి అలిమేలు మంగకు వాహనమై తన విశేష జ్ఞానబలాలకు తోడైన దాస్యభక్తిని తెలియజేస్తున్నాడు. సర్పరాజైన శేషుని వాహన సేవను తిలకించిన వారికి యోగశక్తి కలుగుతుంది.
వాహనసేవలో శ్రీశ్రీశ్రీ పెద్ద జీయర్ స్వామి,   శ్రీశ్రీశ్రీ చిన్నజీయర్ స్వామి, టిటిడి అదనపు సివిఎస్వో  శివకుమార్రెడ్డి విశేష సంఖ్యలో భక్తులు పాల్గొన్నారు.