రాణిగంజ్ డిపోలో కదం తొక్కిన కార్మికులు
హైదరాబాద్ నవంబర్ 26 
సికింద్రాబాద్ లో ని రాణి గంజ్ డిపో వద్ద డిపో లో కి కార్మికులు ఒక్కసారి గా నినాదాలు, ప్ల కార్డ్ ల తో దూసుకుపోవడానికి ప్రయత్నించారు. తమ నిరసన తెలియజేస్తూ, ఆర్ టి సి కార్మికులను వెంటనే విధుల్లోకి తీసుకోవాలని  కార్మికులు,మహిళా కార్మికులు నినాదాలు చేసారు. అందోళనకారులను  అరెస్ట్ చేసిన పోలీసులు, వారిని బొల్లారం పోలీస్ స్టేషన్ కు తరలించారు. 
మరోవైపు,  మెహదీపట్నం బస్ డిపో కు చెందిన 49 ఆర్టీసీ ఉద్యోగులను అరెస్ట్ చేసి గోషామహల్ గ్రౌండ్స్ కి తరలించారు. బస్ డిపో వద్ద ఎలాంటి అవాంఛనీయ సంఘటనలో చోటు చేసుకోకుండా భారీ బందోబస్తు ఏర్పాటు చేశారు. డిపో కి వచ్చే దారిలో బారికేడ్లు  అమర్చి ప్రతి ఒక్కరిని క్షుణ్ణంగా పరిశీలించి పంపించారు.