ఆర్టీసీ కార్మికులను అడ్డుకున్న పోలీసులు
భూపాలపల్లి నవంబర్ 26 
జయశంకర్ భూపాలపల్లి జిల్లా కేంద్రంలో గల ఆర్ టి సి డిపోలో కార్మికులు విధుల్లో చేరేందుకు వచ్చిన కార్మికుల ను పోలీసులు అరెస్ట్ చేసారు. ఆర్టీసీ జె ఏ సి సమ్మె విరమించి కార్మికులను షరతులు లేకుండా విధుల్లోకి తీసుకివాలని ఆర్టీసీ జెఏసి పిలుపునిచ్చిన నేపద్యంలో మంగళవారం  ఉదయం నుండే కార్మికులు విధుల్లోకి చేరేందుకు డిపోల వద్దకు చేరుకోగానే పోలీసులు వారిని అడ్డుకొని డిపోలోకి అనుమతి లేదు అని కార్మికులను అదుపులోకి తీసుకొని పోలిస్ స్టేషన్ కు తరలించారు. గత 54 రోజులుగా సమ్మె చేస్తున్న కార్మిక జేఏసీ సమ్మె విరమించిన 
విషయం తెలిసిందే కార్మికులను ఎలాంటి షరతులు లేకుండా విధుల్లోకి చేర్చుకోవలని జేఏసీ పిలుపునివ్వడం జరిగింది. కార్మికులు ఈ రోజు ఉదయాన్నే విధుల్లో చేరేందుకు కార్మికులు డిపో ల 
వద్దకు చేరుకోగానే ప్రభుత్వం నుండి ఎలాంటి ఉత్తర్వులు రాలేదని మీకు అనుమతి లేదంటూ కార్మికులను అదుపులోకి తీసుకున్నారు.