సైలెంట్ గా నిశబ్దం ప్రమోషన్స్
హైద్రాబాద్, నవంబర్ 26
తెలుగు సినిమా ఖ్యాతిని ద‌శ‌దిశలా వ్యాపించేలా చిత్రం బాహుబ‌లి. రాజ‌మౌళి ద‌ర్శ‌క‌త్వంలో తెర‌కెక్కిన ఈ చిత్రం సాధించిన రికార్డులు ఇప్ప‌టికి ప‌దిలంగా ఉన్నాయి. ఈ సినిమాని జ‌నాల‌లోకి తీసుకెళ్ళేందుకు రాజ‌మౌళి చిత్రంలోని పాత్ర‌ల‌ని ఒక్కొక్క‌టిగా ప‌రిచ‌యం చేస్తూ మూవీపై ఆస‌క్తి క‌లిగించారు. తాజాగా అనుష్క న‌టిస్తున్న నిశ్శ‌బ్ధం సినిమాపై కూడా జ‌నాల‌లో ఆస‌క్తి క‌లిగేందుకు చిత్రంలోని పాత్ర‌ల‌ని ఒక్కొక్క‌టిగా రివీల్ చేస్తూ వ‌స్తున్నారు. చిత్రంలో అనుష్క సాక్షి అనే పాత్ర‌లో దివ్యాంగురాలిగా క‌నిపించ‌నుంది. మాధవన్ , అంజలి, షాలినిపాండే, అవ‌స‌రాల శ్రీనివాస్, సుబ్బ‌రాజు, హాలీవుడ్‌ స్టార్‌ మైఖెల్‌ మ్యాడసన్‌ ప్రధాన పాత్రల్లో న‌టిస్తున్నారు. సస్పెన్స్, థ్రిల్లర్‌ కథాంశంతో రూపొందుతున్న ఈ చిత్రానికి హేమంత్ మ‌ధుక‌ర్ ద‌ర్శ‌క‌త్వం వ‌హిస్తున్నారు. తాజాగా సోనాలి పాత్ర పోషిస్తున్న షాలిని పాండే లుక్ విడుద‌ల చేశారు. సాక్షి పాత్ర‌ని పోషిస్తున్న అనుష్కకి ఈమె స్వ‌రం అందిస్తున్న‌ట్టు పోస్ట‌ర్‌లో పేర్కొన్నారు. ప్ర‌ముఖ నిర్మాణ సంస్థ పీపుల్ మీడియా ఫ్యాక్ట‌రీ, కోన ఫిలిం కార్పొరేష‌న్ సంస్థ‌తో క‌లిసి ఈ చిత్రాన్ని నిర్మిస్తుంది. తెలుగు, త‌మిళం, హిందీతో పాటు ప‌లు భాష‌ల‌లో ఈ చిత్రాన్ని విడుద‌ల చేసేందుకు మేక‌ర్స్ స‌న్నాహాలు చేస్తున్నారు.