స్పందన అర్జీల పరిష్కారంలో జిల్లా  నెంబర్ వన్
 డయల్ యువర్ కలెక్టర్ లో అధికారులను అభినందించిన జెసి రవి పట్టన్ షెట్టి
కర్నూలు , నవంబరు 30 
డయల్ యువర్ కలెక్టరు కార్యక్రమానికి వచ్చిన అర్జీలను సత్వరమే పరిష్కరించాలని కర్నూలు జిల్లా జాయింట్ కలెక్టరు రవి పట్టన్ పెట్టి అధికారులకు సూచించారు . శనివారం కలెక్టర్ కార్యాలయ సమావేశ భవనం నుండి జిల్లా వ్యాప్తంగా ఉదయం 9 . 30 నుండి 10 . 30 గంటల వరకు ఫోన్ ద్వారా ప్రజలనుండి వచ్చిన 29 సమస్యలను పరిశీలించి సత్వరమే పరిష్కరించాలని అధికారులను జెసి ఆదేశించారు . డయల్ యువర్ కలెక్టరు కార్యక్రమాన్ని అధికారులందరూ సీరియస్ గా తీసుకుని సమస్యలను త్వరితగతిన పరిష్కరించేందుకు ప్రత్యేక ఫోకస్ పెట్టాలని జెసి ఆదేశించారు . డయల్ యువర్ కలెక్టరు సమస్యల పరిష్కారంపై చేపట్టిన చర్యలను సంబంధిత ఫిర్యాదుదారులకు వివరించాలని ఆయన అధికారులకు సూచించారు . స్పందన అర్జీల పరిష్కారంలో కర్నూలు జిల్లా  నెంబర్ వన్ రావడంతో డయల్ యువర్ కలెక్టర్ లో జె సి అధికారులను  అభినందించారు. అలాగే సియంఓ ఆఫీసు నుంచి వచ్చిన అర్జీలను సత్వరమే పరిష్కరించాలని సంబంధిత అధికారులను ఆదేశించారు . స్పందనలో వచ్చిన అర్జీలను చిన్న చిన్న కారణాలతో రిజెక్ట్ చేయకుండా పరిశీలించి అర్టీ దారులతో మాట్లాడి అర్జీదారులకు సత్వర న్యాయం చేయాలన్నారు . వైఎస్ఆర్ నవశకం నాలుగు కార్డుల జారీ సర్వే వివరాలు డేటా ఎంట్రీ పై ప్రత్యేక ఫోకస్ పెట్టాలని జిల్లా అధికారులకు జెసి ఆదేశించారు . ఒక యాక్షన్ ప్లాన్ ప్రకారం పూర్తి చేయాలన్నారు . ఇసుక స్టాక్ పాయింట్ల వద్ద సిసి కెమెరాల ఏర్పాటు వినియోగదారులకు క్వాలిటి ఇసుక ఇవ్వాలని మైనింగ్ శాఖ అధికారులను సూచించారు . ప్రభుత్వం ప్రకటించిన ఇసుక రేటు కన్న ఎక్కువ రేటుకు అమ్మినా చర్యలు తీసుకోవాలని సూచించారు . అక్రమ ఇసుక రవాణాకు జిల్లా వ్యాప్తంగా 8 చెక్ పోస్టులు ఏర్పాటు చేసామని , నిరంతరం నిఘా ఉంచామన్నారు . డిసెంబరు మాసం 4న తేదీ అనంతపురం జిల్లాలో అన్ని శాఖల జిల్లా అధికారులకు స్పందనపై ట్రైనింగ్ ఉంటుందని ప్రతి ఒక్కరూ హాజరు కావాలన్నారు . జిల్లాలో ఔట్ సోర్సింగ్ ఉద్యోగుల డేటా వివరాలు వెంటనే ఇవ్వాలని జెసి జిల్లా అధికారులను ఆదేశించారు . జెసి - 2 సయ్యద్ ఖాజామోహిద్దీన్ మాట్లాడుతూ ప్రధానమంత్రి శ్రమయోగి పెన్షన్ స్కీమ్ కింద అసంఘటిత కార్మికులకు పెన్షన్ పథకాన్ని కేంద్ర ప్రభుత్వం శ్రీకారం చుట్టిందని డిసెంబరు 6 వరకు అవగాహనా కార్యక్రమం నిర్వహించి , అసంఘటిత కార్మికుల వివరాలు నమోదు చేయాలన్నారు . 18 నుంచి 40 సంవత్సరాల వయసున్న వారు ఈ పథకానికి అర్హులని , నెలకు రూ 50 / - ల చొప్పున చెల్లించాలన్నారు . 60 సంవత్సరాలు నిండిన తరువాత పెన్షన్ ద్వారా రూ . 3000 / - లను ప్రభుత్వం అందజేస్తుందన్నారు . నెలవారి ఆదాయం రూ . 15000 / - ల లోపు ఉన్నవారందరూ అర్హులన్నారు . రిక్షా . . . తొక్కేవారు , వీధులు ఊడ్చేవారు , ఇటుకలు తయారు చేసేవారు , నిర్మాణ రంగంలోని కూలీలు , బీడీ కార్మికులు , చేనేత కార్మికులు , తోలు కార్మికులు ఇలా అసంఘటిత రంగంలోని ఎవరైనా పియంఎస్ వైఎం స్కీమ్ కు అర్హులన్నారు . ఈ పెన్షన్ సదుపాయంను ప్రతి ఒక్కరూ సద్వినియోగం చేసుకునేలా ప్రజల్లో విస్తృత ప్రచారం కల్పించాలన్నారు . పెన్షన్ పథకం అవగాహనా కార్యక్రమాలు వారం రోజులపాటు జిల్లా స్థాయి పర్యవేక్షణ కమిటీ పరిశీలిస్తుందన్నారు . ఈ కార్యక్రమంలో డిఆర్ ఓ పుల్లయ్య , జిల్లాస్థాయి అధికారులు తదితరులు పాల్గొన్నారు .