అనారోగ్యం తో ఉన్న పేషంట్స్ పై డాక్టర్ అత్యాచారం
లండన్, డిపెంబర్ 11, 
అనారోగ్యంతో ఉన్న రోగులకు చికిత్స చేసి వారిని ఆరోగ్యవంతులుగా మార్చాల్సిన పవిత్రమైన వృత్తిలో ఉన్న డాక్టర్ నీచానికి పాల్పడ్డాడు. తన వద్దకు వచ్చే మహిళా రోగులను మభ్యపెట్టి వారిపై లైంగిక దాడులకు పాల్పడ్డాడు. డాక్టర్ ముసుగులో కీచకుడిగా మారి ఎందరో జీవితాలను నాశనం చేశాడు. పాపం పండటంతో ఇప్పుడు జైల్లో ఊచలు లెక్కపెడుతున్నాడు.భారతీయ సంతతికి చెందిన మనీష్ షా(50) ఈస్ట్ లండన్‌లోని ప్రముఖ వైద్యుడిగా చెలామణి అవుతున్నాడు. ఈ క్రమంలోనే అతడి వద్దకు వచ్చే మహిళలను క్యాన్సర్ పేరుతో ఆందోళనకు గురిచేశాడు. హాలీవుడ్ స్టార్ హీరోయిన్ ఏంజెలీనా జోలీ క్యాన్సర్ రాకుండా ముందుగానే అన్ని పరీక్షలు చేయించుకునేవారని, ఆమెలాగే మీరు కూడా ముందుగానే పరీక్షలు చేయించుకుంటే మంచిదని చెప్పేవాడు. ఇలా అవసరం లేకున్నా చాలామంది మహిళా రోగులకు యోని, వక్షోజాల పరీక్షలు చేసేవాడు. ఇదే క్రమంలో కొందరికి మత్తు మందిచ్చి ఉన్నప్పుడు లైంగిక దాడికి పాల్పడేవాడు. మరికొందరు మహిళలు మెలకువగా ఉండగానే వారి ప్రైవేట్ పార్ట్స్‌ను తాకుతూ, ముద్దు పెట్టుకుంటూ, కౌగిలించుకుంటూ అసభ్యంగా ప్రవర్తించేవాడు.మనీష్‌పై అనేక ఫిర్యాదులు రావడంతో పోలీసులు ఆయనపై అభియోగాలు నమోదు చేసి కోర్టులో హాజరుపరిచారు. మనీష్ అనేక మంది మహిళలకు అవసరం లేకపోయినా యోని,వక్షోజాల పరీక్షలు నిర్వహించినట్టు పబ్లిక్ ప్రాసిక్యూటర్ కేట్ బెక్స్ కోర్టుకు తెలిపారు. చికిత్స పేరుతో మహిళలతో అసభ్యంగా ప్రవర్తించేవాడని పేర్కొన్నారు. 2009-2013 మధ్యకాలంలో అతడు ఆరుగురు పేషెంట్స్‌పై లైంగిక దాడికి పాల్పడినట్టుగా ఆధారాలతో సహా కోర్టుకు తెలిపారు. ఆ కీచక డాక్టర్ బాధితుల్లో 11 ఏళ్ల బాలిక కూడా ఉన్నట్లు పేర్కొన్నారు.ఈ కేసులో విచారణలో భాగంగా మనీష్ ఆరుగురి కంటే ముందే మరో 17 మంది మహిళా రోగులపై అత్యాచారానికి పాల్పడినట్లు ఆరోపణలు వచ్చాయి. దీంతో అతడు మొత్తం 23 మంది మహిళలపై అఘాయిత్యాలకు పాల్పడినట్లు ఛార్జిషీట్‌లో పేర్కొన్నారు. ఈ కేసును విచారించిన జడ్జి మోలిన్యూక్స్ అతడిని దోషిగా నిర్ధారించార. అయితే తీర్పును మాత్రం 2020, ఫిబ్రవరి 7వ తేదీకి రిజర్వ్‌లో పెట్టారు. మరోవైపు మనీష్ షా మాత్రం తనకే పాపం తెలీదని, తనపై కుట్రలో భాగంగా ఈ ఆరోపణలు చేస్తున్నారని చెబుతున్నాడు.