విద్యుత్ఘాతానికి రైతు బలి
కడప డిసెంబర్ 16  
కడప జిల్లాలో విషాదం చోటు చేసుకుంది. రైతు తన పోలంలో తన రెండు ఎడ్లుతో సహా విద్యుత్‌ తీగలకు బలైపోయాడు.రాజుపాళెం మండలం అర్కటవేముల గ్రామంలో ఈఘటన చోటుచేసుకుంది. గ్రామానికి చెందిన గురివిరెడ్డి అనే రైతు తన రెండు ఎడ్లతో సేద్యం చేసేందుకు వెళ్లాడు. అయితే పొలంలోకి వెళ్లే సమయంలో ఎత్తుగా ఉన్న పొలంలో ఉన్న విద్యుత్‌ తీగలకు ప్రమాదశాత్తు తగలడంతో ఎడ్లతో పాటు రైతు గురివిరెడ్డి అక్కడికక్కడే మృతి చెందాడు. భర్త మృతిచెందిన విషయాన్ని తెలుసుకున్న మృతుడి భార్య భారతి గుండెలు పగలేలా రోదించింది. విధి విచిత్రం ఏమోగానీ వ్యవసాయ పనుల కోసం వెళ్లిన ఆ రైతు ఎద్దులతో పాటు తాను కూడా మృతి చెందడం అందరిని కలచివేసింది.