నకిలీ పత్తి విత్తనాలతో రైతులు అందోళన
సంగారెడ్డి డిసెంబర్ 17 
నకిలీ విత్తనాలు పత్తి రైతులను నిలువునా ముంచేసాయి. నాలుగు నెలలు దాటుతున్నా పూత లేకపోవడంతో పత్తి రైతులు ఆందోళన చెందుతున్నారు. నకిలీ విత్తనాలతో నష్టపోయిన రైతులు దిక్కుతోచని స్థితిలోఉన్నారు. ప్రభుత్వ కార్యాలయాల చుట్టూ తిరిగి తిరిగి ఏం చేయాలో తెలియని పరిస్థితుల్లో ఉన్నారు. ఎకరాకు 30 వేల పెట్టుబడి పెట్టి పత్తి పంటను సాగు చేస్తున్నారు. పెట్టుబడి కోసం వడ్డీ వ్యాపారులను ఆశ్రయించితీసుకొచ్చిన అప్పు ఎలా తీర్చాలో తెలియక సతమతమవుతున్నారు. సంగారెడ్డి జిల్లా మునిపల్లీ, సదాశివపేట, కంది మండలాల్లో పత్తి పంటను సాగుచేస్తున్నారు.  గుర్తింపు ఉన్న ఎరువుల దుకాణంలోనే పత్తివిత్తనాలను కొన్నారు. సమయానుకూలంగా ఎరువులు కూడా పంటకు అందిస్తున్నారు. నాలుగు నెలలు గడుస్తున్నా పత్తి మొక్కలకు కాయలు కాయడం లేదు. తోటి రైతులు ఈ పాటికి రెండుసార్లు పత్తిని తీశారు. ఏంచేయాలో అర్థం కాక వ్యవసాయ అధికారులను సంప్రదించారు. నకిలీ విత్తనాలు ఆలు అమ్మిన డీలర్ పై చర్యలు తీసుకోవాలని అని తమకు నష్టపరిహారం అందించాలని అని రైతులు కోరుతున్నారు.  20 సంవత్సరాల నుంచి పత్తి పంటలు వేస్తున్నామని గతంలో

ఎన్నడూ లేనివిధంగా మోసపోయామని ఆవేదన వ్యక్తం చేస్తున్నారు.  పెట్టుబడి కోసం అప్పులు చేశామని, ఇప్పుడు అప్పులు తీర్చలేని పరిస్థితి లోఉన్నామని అని ఆందోళన చెందుతున్నారు.  పత్తి మొక్కలకు కాసిన కాయలు కూడా పురుగులు నాయని దాంతో ఆ కాయలు కూడా రాలిపోతున్నాయి అని అన్నారు.  మూడు రంగులలో పురుగులుకనిపిస్తున్నాయని, ఎన్ని మందులు వాడినా లాభం లేకపోతుంది అని అంటున్నారు రైతులు. తమకు నష్టపరిహారం ఇప్పించాలని అని లేకపోతే ఆత్మహత్యలే శరణ్యం అంటున్నారు.  గత మూడు సంవత్సరాలుగా వర్షాలు సరిగ్గా లేక తీవ్రంగా నష్టపోయామని, ఈసారి వర్షాలు సమయానికి పడడంతో వడ్డీ తీసుకొచ్చి పంటలు వేశామని,  పంటలు సరిగా పండితే అప్పులు తీర్చుకుందామనిఅనుకున్నాం అని అన్నారు. గతంలో లో ఎప్పుడూ లేని ఈ విధంగా మొక్కలు బాగా ఎత్తు పెరిగాయి, కానీ కాత మాత్రం కనిపించడం లేదని అన్నారు. సంబంధిత అధికారులను సంప్రదించిన సరైన స్పందనలేకపోవడంతో ఏం చేయాలో తెలియడం లేదని అన్నారు. విత్తనాలు అమ్మిన డీలర్ ని అడిగితే, నేనేం చేయాలి అని సమాధానం చెబుతున్నారు. ఎకరాకు 50 వేల చొప్పున నష్టపరిహారం చెల్లించేందుకు తగిన చర్యలుతీసుకోవాలని కోరుతున్నారు. సంబంధిత డీలర్ పై కఠిన చర్యలు తీసుకోవాలని నకిలీ విత్తనాలు అమ్మే కంపెనీలను మోగించాలని డిమాండ్ చేస్తున్నారు.  రైతన్నకు ఎప్పుడూ కష్టాలే. ప్రకృతి కరుణిస్తే నకిలీ విత్తనాలు నట్టేట ముంచుతున్నాయి. అప్పులు తీర్చుకుందామని వ్యవసాయం చేస్తుంటే కొత్త అప్పులు చేయాల్సి వస్తుంది. అడుగడుగునా కష్టాలుఎదుర్కొంటున్నామని, తగిన నష్టపరిహారం సత్వరమే చెల్లించకపోతే ఆత్మహత్యలే శరణ్యమని రైతులు అంటున్నారు.