డివైడ్ టాక్ తో వెంకీ మామ
హైద్రాబాద్, డిసెంబర్ 17, 
విక్టరీ వెంకటేష్‌, యంగ్ హీరో నాగ చైతన్యలు హీరోలుగా తెరకెక్కిన మల్టీ స్టారర్‌ మూవీ వెంకీ మామ. బాబీ (కేయస్‌ రవీంద్ర) దర్శకత్వంలో తెరకెక్కిన ఈ సినిమాను సురేష్‌ ప్రొడక్షన్స్‌, పీపుల్‌ మీడియా ఫ్యాక్టరీ సంస్థలు సంయుక్తంగా నిర్మించాయి. గత శుక్రవారం రిలీజ్ అయిన ఈ సినిమాకు డివైడ్‌ టాక్‌ వచ్చినా.. కలెక్షన్ల పరంగా మాత్రం దూసుకుపోతోంది.శుక్రవారం రిలీజ్‌ అయిన వెంకీ మామ సినిమాకు డివైడ్ టాక్‌ వచ్చింది. ఫ్యామిలీ ఆడియన్స్‌కు బాగానే కనెక్ట్‌ అయినా.. సెకండ్‌ హాఫ్‌ విషయంలో చాలా విమర్శలు వినిపించాయి. ముఖ్యంగా ఎమోషనల్‌ సీన్స్‌ అంతగా వర్క్‌ అవుట్ కాలేదని, క్లైమాక్స్‌ ఆర్మీ సీన్స్ మరీ సిల్లీగా ఉన్నాయన్న అభిప్రాయాలు వ్యక్తమయ్యాయి. అయితే ఓవరాల్‌గా సినిమా వన్‌ టైం వాచ్‌ మూవీ అంటూ అంతా చెప్పటంతో కలెక్షన్లు బాగానే ఉన్నాయి.రియల్‌ లైఫ్‌ మామా అల్లుళ్లు వెంకీ, చైతూలు రీల్‌ లైఫ్‌లోనూ అవే పాత్రల్లో నటించటంతో వెంకీ మామపై భారీ హైప్‌ క్రియేట్ అయ్యింది. అందుకు తగ్గట్టుగా ఓపెనింగ్స్‌ భారీగా వచ్చాయి. సినిమాకు కూడా పాజిటివ్‌ రెస్పాన్స్‌ రావటంతో వీకెండ్‌లో కలెక్షన్లు మరింతగా పెరిగాయి. తొలి మూడు రోజుల్లోనే ఈ సినిమా 45 కోట్లకు పైగా గ్రాస్‌ సాధించి వెంకీ, చైతూల కెరీర్‌లో తొలి వారం అత్యధిక వసూళ్లు సాధించిన సినిమా రికార్డ్‌ సృష్టించింది.వీకెండ్‌ తరువాత కూడా వెంకీ మామ స్టడీగా వసూళ్లు సాధిస్తున్నట్టుగా చిత్రయూనిట్ వెల్లడించారు. సోమవారం ఈ సినిమాకు మంచి ఆక్యుపెన్సీ రావటంతో యూనిట్‌ ఆనంద వ్యక్తం చేస్తున్నారు. ఇప్పటికే పెట్టుబడిలో సగానికి పైగా వెనక్కి వచ్చినట్టుగా అంచనా వేస్తున్నారు ట్రేడ్ పండితులు. సోమవారం వరకు ఈ సినిమా రెండు తెలుగు రాష్ట్రాల్లో 19. 44 కోట్ల షేర్‌ వసూళు చేసింది. ప్రపంచ వ్యాప్తంగా 45 కోట్లకు పైగా గ్రాస్‌ సాధించినట్టుగా అధికారికంగా వెల్లడించారు. పెద్ద సినిమా రిలీజ్‌కు మరో మూడు రోజుల సమయం ఉండటంతో ఈ లోగా సినిమా లాభాల్లోకి రావటం ఖాయం అంటున్నారు.మామఅల్లుళ్ల అనుబంధం నేపథ్యంలో తెరకెక్కిన వెంకీ మామ ఫ్యామిలీ ఆడియన్స్‌కు బాగా కనెక్ట్ అవుతోంది. వెంకటేష్‌ సరసన పాయిల్ రాజ్‌పుత్‌ హీరోయిన్‌గా నటించగా నాగచైతన్యకు జోడిగా రాశీ ఖన్నా నటించింది. తమన్‌ సంగీతమందించాడు.