కిస్సింగ్ డిసీజ్ మృతి
న్యూయార్క్, డిసెంబర్ 18  
ముద్దు ఆరోగ్యానికి చాలా మంచిదని, ముద్దు వల్ల గుండె సంబంధిత వ్యాధులు దరిచేరవని అంటారు. అలాగే, ముద్దు వల్ల శరీరంలో 10 నుంచి 15 కేలరీలు బర్న్ అవుతాయని చెబుతుంటారు. కానీ, ముద్దు ప్రాణం కూడా తీస్తుందనే సంగతి మీకు తెలుసా? అయితే, ఫ్లోరిడాలో చోటుచేసుకున్న ఈ అరుదైన ఘటన గురించి తెలుసుకోవల్సిందే.17 ఏళ్ల అరియానా అకస్మాత్తుగా అనారోగ్యానికి గురైంది. గొంతు మంట, తీవ్రమైన తలనొప్పితో బాధపడింది. ఆమె తల్లిదండ్రులు సాధారణ వైరల్ ఫీవర్ అని భావించారు. అరియానా అథ్లెట్ కూడా కావడంతో ఆమె ఎప్పుడూ ఫిట్‌గానే ఉండేది. ఈ నేపథ్యంలో ఆమెకు వ్యాధి సోకిందనే విషయాన్ని గుర్తించలేకపోయారు. వారం రోజుల కిందట ఆమె పరిస్థితి మరింత దయనీయంగా మారింది. కనీసం నడవలేని స్థితికి చేరుకుంది. దీంతో ఆందోళనకు గురైన తల్లిదండ్రులు స్థానిక ఆసుపత్రిలో చేర్చారు.ఆమె పరిస్థితి క్రమేనా విషమించడంతో ఆమె తల్లిదండ్రుల్లో ఆందోళన మరింత పెరిగింది. హాస్పిటల్‌లో ఉండగా అరియానా బాత్‌రూమ్‌లోకి వెళ్లేందుకు ప్రయత్నించింది. అయితే, తన కాళ్లు కదల్చలేకపోతున్నానని, అవి ఉన్నట్లే తెలియడం లేదని చెప్పింది. దీంతో వైద్యులు ఆమె స్ట్రోక్ గురైందని భావించి హెలికాప్ఫర్ అంబులెన్స్‌లో జాక్సన్‌విల్లేకు 35 మైళ్ల దూరంలో ఉన్న మరో హాస్పిటల్‌కు తరలించారు.అరియానా క్రమేనా పిచ్చి పిచ్చిగా మాట్లాడటం మొదలుపెట్టింది. ఆమెకు వైద్య పరీక్షలు చేసిన వైద్యులు ఆమె ఎప్స్టీన్ బార్ వైరస్‌ బారిన పడినట్లు గుర్తించారు. దీన్నే ‘కిస్సింగ్ డిసీజ్’ అని కూడా అంటారు. దీని వల్ల ఆమె మెదడు వాచిపోయి, పనిచేయడం మనేసిందన్నారు. అందుకే ఆమె చివరి క్షణాల్లో పిచ్చి పిచ్చిగా మాట్లాడిందన్నారు. వైరస్ సోకిన వెంటనే ఆమెను హాస్పిటల్‌లో చేర్చి ఉంటే ఆమె బతికి ఉండేదని వైద్యులు తెలిపారు. ఆమె తండ్రి మార్క్ మాట్లాడుతూ.. ‘‘పిల్లలకు ఏదైనా వ్యాధి సోకినట్లయితే వెంటనే వైద్యులను సంప్రదించండి. ఆలస్యం చేస్తే మాకు ఎదురైన చేదు అనుభవమే మీకు రావచ్చు’’ అని తెలిపారు. అరియానా ఇక బతకదని వైద్యులు చెప్పడంతో.. ఆమె అవయవాలను దానం చేయాలని తల్లిదండ్రులు చెప్పారు. ప్రస్తుతం అరియానా ఈ లోకంలో లేకపోయినా.. ఆమె అవయవాలు ఇతరులకు ప్రాణం పోశాయి.ఈ వ్యాధిని ‘మోనోన్యుక్లియోసిస్’ లేదా ‘మోనో’ అని కూడా అంటారు. ఇది ఎప్స్టీన్ బార్ వైరస్‌ ద్వారా వ్యాపిస్తుంది. ఇది ఎక్కువ మనుషుల లాలాజలం నుంచి వ్యాపిస్తుంది. అదర చూంబనం చేసే వ్యక్తులకు ఈ వ్యాధి వచ్చే అవకాశాలు ఎక్కువ. అంతేగాక, ఈ వ్యాధితో బాధపడుతున్న వ్యక్తుల తినే ఆహారాన్ని తిన్న, వారి తాగిన గ్లాసులు ఉపయోగించినా వ్యాధి సోకుతుంది. అయితే, ముద్దులతోనే త్వరగా ఈ వ్యాధి సోకుతున్న నేపథ్యంలో దీన్ని ‘కిస్సింగ్ డిసీజ్’గా పేర్కొన్నారు. అరియానాకు ఈ వ్యాధి ఏ విధంగా సోకిందనేది ఎవరికీ తెలియదు. కానీ, ఇది ముద్దులతోనే సంక్రమించే అవకాశం ఉండటంతో ఆమె మరణానికి అదే కారణం కావచ్చని చెబుతున్నారు. పాశ్చత్య దేశాల్లో ముద్దులు సర్వసాధారణం కాబట్టి ఎక్కువగా ఇలాంటి వ్యాధులు వస్తుంటాయి.యాంటి బయోటిక్స్ వాడినా సరే గొంతులో మంట, నొప్పి తగ్గదు. తీవ్రమై జ్వరం, మెడ, చంకల్లో బొడిపెలు వస్తాయి. టాన్సిల్స్ వాపు, తలనొప్పి, చర్మంపై ఎర్రని మచ్చలు వస్తాయి. వాస్తవానికి ఇది ఈ కిస్సింగ్ డిసిజ్ సాధారణ వ్యాధే. అయితే, వెంటనే చికిత్స పొందకపోతే అది మెదడును ఛిద్రం చేస్తుంది. ఫలితంగా బ్రయిన్ స్ట్రోక్ ఏర్పడి రోగులు మరణిస్తారు. కాబట్టి, ఇలాంటి వ్యాధులతో జాగ్రత్తగా ఉండండి.