ప్రభుత్వ వైద్యశాలలో గర్భిణీలకు, పారిశుద్ధ్య కార్మికులకు వస్త్ర దానం
 నెల్లూరు జనవరి 1  (br /> హంగులు ఆర్భాటాలకు దూరంగా నెల్లూరు గ్రామీణ నియోజకవర్గ శాసనసభ్యులు కోటంరెడ్డి శ్రీధర్ రెడ్డి  నూతన సంవత్సర వేడుకలు కార్యక్రమాన్ని సేవా కార్యక్రమం గా బుధవారం నిర్వహించారు. ఈ సందర్భంగా ప్రభుత్వ వైద్యశాలలో ప్రసూతి కేంద్రం నందు గర్భిణీ స్త్రీలకు మరియు పారిశుద్ధ్య మహిళా కార్మికులకు నూతన సంవత్సరం సందర్భంగా కొత్త అధ్యాయానికి స్వాగతం పలుకుతూ నూతన వస్త్రాలను, స్వీట్లను పంచారు. ఈ సందర్భంగా ఆయన మాట్లాడుతూ ఆయన పిలుపు మేరకు, ఆదేశాలను పాటిస్తూ నెల్లూరు రూరల్ వైకాపా మహిళా నాయకురాళ్లు ఈ కార్యక్రమానికి శ్రీకారం చుట్టడం అభినందనీయమన్నారు. అనాధలకు, పేదలకు, వృద్ధులకు చేయూతనిచ్చిన వారికి దేవుడు సమృద్ధిగా అభివృద్ధి సంక్షేమం సాధించే దిశగా సానుకూలత తప్పకుండా చూపిస్తాడని ఆయన తన అభిప్రాయాన్ని వెల్లడించారు. చలికాలంలో దుప్పట్లు , వానాకాలం లో గొడుగు లు, ఎండాకాలంలో చెప్పులు దానం చేసిన వారికి ఆ దేవాది దేవుని ఆశీస్సులు మెండుగా ఉంటాయని తెలియజేశారు. ప్రతి ఒక్కరూ తమ ఇళ్లలో జరుగు వివిధ శుభకార్యాల్లో సందర్భంగా ఇటువంటి సేవా కార్యక్రమాలు అలవర్చుకోవాలని పిలుపునిచ్చారు. ఈ కార్యక్రమంలో నెల్లూరు గ్రామీణ నియోజవర్గ మహిళా నాయకురాళ్లు , కార్యకర్తలు తదితరులు పాల్గొన్నారు.