ఆంధ్ర ప్రదేశ్ కు ప్రత్యేక హోదా కోసం పోరాడుతున్న ప్రముఖ సినీ నటుడు శివాజీ పై ఏపీ బీజేపీ నేతలు పోలీసులకు ఫిర్యాదు చేసారు.ప్రధాని నరేంద్ర మోదీపై అనుచిత వ్యాఖ్యలు చేసారంటూ విజయవాడలోని సూర్యారావుపేట పోలీస్ స్టేషన్ లో ఈ మేరకు ఫిర్యాదు చేశారు. ‘ఆపరేషన్ ద్రవిడ’ పేరిట బీజేపీపై తీవ్ర ఆరోపణలు చేసిన శివాజీ, మోదీని ‘ఇడియట్’ అని దూషించారని ఆ ఫిర్యాదులో పేర్కొన్నారు. మోదీ ప్రతిష్టకు భంగం వాటిల్లే వ్యాఖ్యలు చేసిన శివాజీపై కేసు నమోదు చేయాలని బీజేపీ నేతలు తమ ఫిర్యాదులో కోరారు. సంబంధించిన ఆధారాలను కూడా కమలనాధులు పోలీసులకు సమర్పించినట్టు సమాచారం.