ఆంధ్రప్రదేశ్‌కు ప్రత్యేక హోదా విషయంలో ఇంకా సమయం ఉండగానే నలుగురు కలిసి నాలుగు వైపుల నుంచి విమర్శలు చేస్తుండడం సరికాదని ప్రముఖ సినీ నటుడు సుమన్ అన్నారు. ఏడాది తర్వాత కూడా ఇవ్వకుంటే అప్పుడు ప్రశ్నించాలని సుమన్ హితవు పలికారు.నెల్లూరులోని పురమందిరంలో సింహపురి సంస్కృతి సమాఖ్య ఆధ్వర్యంలో ఉగాది పురస్కారాన్నిఅందుకున్న అయన రాష్ట్రానికి హోదా కావాలంటూ జరుగుతున్న ఉద్యమంపై స్పందించారు. రాజకీయాల్లోకి వస్తున్నట్టు ఇటీవల ప్రకటించిన సుమన్ తెలంగాణ ముఖ్యమంత్రి కేసీఆర్ ఆహ్వానిస్తే టీఆర్ఎస్‌లో చేరేందుకు సిద్ధంగా ఉన్నట్టు ప్రకటించిన సంగతి తెలిసిందే. ఈ నేపథ్యంలో ఏపీకి ప్రత్యేక హోదా ఇచ్చేందుకు ఇంకా ఏడాది సమయం ఉందని, ఎందుకు తొందరపడుతున్నారని ప్రశ్నించారు. కేంద్రం ఇస్తానన్న దానికి ఇంకా సంవత్సర సమయం ఉండడంతో ఇప్పటి నుంచే తొందరపడడం అర్థం లేని చర్య అన్నారు.