బాలుడి ప్రాణం తీసిన గాలిపటం
కర్నూలు జనవరి 16
గాలిపటం సరదా ఓ బాలుడి ప్రాణాలమీదకు తెచ్చింది. ఈ సంఘటన కర్నూలు జిల్లా నంద్యాల పట్టణంలోని నూనెపల్లెలో చోటుచేసుకుంది.స్థానికంగా నివాసముంటున్న 12 ఏళ్ల బాలుడు ధనుష్‌ గాలిపటం ఎగురవేస్తుండగా అది తెగి పక్కనే ఉన్న విద్యుత్తు నియంత్రికపై పడింది. ఇంటి పైనుంచి దాన్ని అందుకోబోతుండగా విద్యుదాఘతానికి గురై కిందపడ్డాడు. వెంటనే తండ్రి నారాయణ అతణ్ని ప్రభుత్వ ఆసుపత్రికి తీసుకుపోగా ప్రాథమిక చికిత్స చేశారు. అనంతరం మెరుగైన చికిత్స కోసం కర్నూలుకు తరలించారు. కేసు నమోదు చేసుకుని పోలీసులు దర్యాప్తు చేస్తున్నారు.