లాయర్ సాబ్ అడుగులు..
హైద్రాబాద్, జనవరి 21  
అజ్ఞాత‌వాసి చిత్రం త‌ర్వాత మ‌ళ్లీ పింక్ రీమేక్ కోసం మేక‌ప్ వేసుకున్నాడు ప‌వన్ క‌ళ్యాణ్‌. బాలీవుడ్ సూప‌ర్ హిట్ చిత్రం పింక్‌ని తెలుగులో ప‌వ‌న్ రీమేక్ చేస్తుండ‌గా, అక్క‌డ అమితాబ్ పోషించిన పాత్ర‌ని ఇక్క‌డ ప‌వ‌న్ క‌ళ్యాణ్ పోషిస్తున్నారు. ప‌వ‌న్ 26వ సినిమాగా రూపొందుతున్న ఈ చిత్రం లాయ‌ర్ సాబ్ అనే టైటిల్‌తో ప్ర‌చారం జ‌రుపుకుంటుంది. దిల్ రాజు నిర్మాణంలో రూపొందుతున్న ఈ చిత్రాన్ని ఎంసీఏ ఫేం వేణు శ్రీరామ్ తెర‌కెక్కిస్తున్నారు.తాజాగా ప‌వ‌న్ చిత్ర షూటింగ్ లొకేష‌న్‌కి సంబంధించి ప‌లు ఫోటోలు సోష‌ల్ మీడియాలో ద‌ర్శ‌న‌మిస్తున్నాయి. ఈ ఫోటోల‌లో ప‌వ‌న్‌ని చూస్తుంటే ఇప్పుడున్న లుక్‌తోనే సినిమాలోను న‌టిస్తున్న‌ట్టు అర్ధ‌మ‌వుతుంది. ప‌వ‌న్ సినిమా షూటింగ్‌ల‌లో పాల్గొంటున్నాడ‌నే విష‌యం తెలిసిన ఆయ‌న అభిమానులు ఆనందంలో మునిగి తేలుతున్నారు. ప‌ది రోజుల పాటు ఈ చిత్రానికి ప‌వ‌న్ కాల్షీట్స్ ఇచ్చిన‌ట్టు తెలుస్తుంది సోషల్ మీడియాలో సెటైర్లు రాజకీయాల సంగతి అంటుంచితే పవర్ స్టార్ పవన్ కళ్యాణ్ అంటే అభిమానుల్లో పూనకం అనే చెప్పాలి. ఆయన బొమ్మ థియేటర్స్‌లో పడుతుంది అంటే ఉండే హంగామా మామూలుగా ఉండదు. ఆయన సినిమాకి క్లాప్ కొట్టింది మొదలు.. ఫస్ట్‌లుక్, టీజర్, ట్రైలర్, రిలీజ్, రికార్డ్స్ ఇలా ప్రతిదీ ఓ సంచలనమే. ఆయన అట్టర్ ఫ్లాప్ సినిమాకి తొలిరోజు తిరుగులేని కలెక్షన్స్ వస్తాయంటే పవన్ క్రేజ్ ఏం రేంజ్‌లో ఉంటుందో అర్ధం చేసుకోవచ్చు.పవన్ కళ్యాణ్ పొలిటికల్ ఎంట్రీ ఇవ్వడంతో సినిమాలకు దూరం అయ్యారు. ఇక రెండు పడవలపై ప్రయాణం నా వల్ల కాదంటూ తాను ఫుల్ టైం పొలిటికల్ లీడర్‌ని అంటూ పలు సందర్భాల్లో ప్రకటించుకున్న పవన్ కళ్యాణ్.. ఎందుకో యూటర్న్ తీసుకుని మళ్ళీ ముఖానికి రంగు వేసుకునేందుకు సిద్ధపడ్డారు.ఒకవైపు ఆంధ్రప్రదేశ్ రాష్ట్రంలో రాజధాని సెగలు రేగుతుంటే... మరోవైపు పవన్ కళ్యాణ్ పింక్ రీమేక్ మూవీ ఫొటోలు వైరల్ అవుతున్నారు. పవర్ స్టార్ పవన్ కళ్యాణ్ 26 మూవీ షూటింగ్ మొదలైంది.. లాయర్ సాబ్ (ప్రచార టైటిల్) ఆన్ డ్యూటీ అంటూ పవన్ కళ్యాణ్ షూటింగ్ స్పాట్‌లో ఉన్న ఫొటోలో సోషల్ మీడియాలో వైరల్ అవుతున్నాయి.బ్లాక్ అండ్ బ్లాక్ డ్రెస్‌లో గుబురు గెడ్బంతో ఉన్న పవన్ కళ్యాణ్ నడుచుకుంటూ వెళ్తోన్న లుక్ ప్రస్తుతం సోషల్ మీడియాను షేక్ చేస్తోంది. ఎలాంటి హడావిడి లేకుండా పవన్ కళ్యాణ్ పింక్ రీమేక్‌ మూవీ షూటింగ్‌లో జాయిన్ అయ్యారని ఈ ఫొటోలను బట్టి ఆడియన్స్‌కి క్లారిటీ వచ్చేసిందిప్రస్తుతం సోషల్ మీడియాలో వైరల్ అవుతున్న ఫొటోలలో పవన్ కళ్యాణ్ నడుచుంటూ వెళ్తుండగా.. అదే ఫొటోలో హెరిటేజ్ ప్రోడెక్ట్‌కి సంబంధించిన నేమ్ బోర్డ్ ఉండటంతో వైసీపీ సపోర్టర్స్ పవన్ కళ్యాణ్‌ను ఓ రేంజ్‌లో ట్రోల్ చేస్తున్నారు. ‘ఇక్కడ కూడా నీ బాస్ (చంద్రబాబు) హెరిటేజ్‌ని ప్రమోట్ చేస్తూ నీ బానిసత్వం నిరూపించుకున్నావ్.. పవన్ నాయుడు’ అంటూ లాయర్ సాబ్‌ను ఓ రేంజ్‌లో ఆడుకుంటున్నారు. ఈ ఫొటోను వైసీపీ శ్రేణులు సోషల్ మీడియాలో షేర్ చేసి వైరల్ చేస్తున్నారు.‘జగన్ అద్భుతంగా పాలిస్తే.. నేను పోయి సినిమాలు చేసుకుంటా’అంతే కాదు గతంలో.. ‘జగన్ అద్భుతంగా పిలిస్తే.. నేను పోయి సినిమాలు చేసుకుంటా’ అని గతంలో ప్రకటించిన పవన్ కళ్యాణ్ ప్రకటనతో పాటు పింక్ సినిమా షూటింగ్‌లో పాల్గొన్న పవన్ కళ్యాణ్ బ్రేకింగ్‌ను మిక్స్ చేసి ట్రోల్ చేస్తున్నారు. మొత్తంగా పవన్ కళ్యాణ్ కొత్త సినిమా ‘పింక్’‌కి పసుపు పార్టీ రంగు అంటిస్తున్నారు కొంతమంది వైసీపీ శ్రేణులు.తాప్సీ కీలకపాత్రలో బాలీవుడ్‌లో సూపర్ హిట్ అయిన ‘పింక్’ సినిమాను దిల్ రాజు శ్రీ వేంకటేశ్వర క్రియేషన్స్ బ్యానర్‌పై నిర్మిస్తున్నారు. అక్కడ అమితాబ్ బచ్చన్ చేసిన లాయర్ పాత్రను ఇక్కడ పవన్ కళ్యాణ్ చేస్తున్నారు. ఇది దిల్ రాజు డ్రీమ్ ప్రాజెక్ట్ కాగా.. బాలీవుడ్ ప్రొడ్యుసర్ బోనీ కపూర్‌తో కలిసి భారీ బడ్జెట్‌తో నిర్మిస్తున్నారు. ‘ఎంసీఏ’ ఫేమ్ వేణు శ్రీరామ్ ఈ చిత్రానికి దర్శకత్వం వహిస్తుండగా.. తమన్ సంగీతం సమకూరుస్తున్నారు.