ఎయిడ్స్ మహిళపై రేప్...బోరుమంటున్న బాధితురాలు
పాట్నా, జనవరి 23,
బిహార్‌లో కామాంధులు మరోసారి రెచ్చిపోయారు. రైల్లో ఒంటరిగా ప్రయాణిస్తున్న మహిళపై దుండగులు సామూహిక అత్యాచారానికి పాల్పడ్డారు. బాధితురాలికి ఎయిడ్స్ ఉందని తెలియడంతో ఇప్పుడు లబోదిబోమంటున్నారు. బీహార్‌లోని కైమూర్ జిల్లాకు చెందిన ఓ మహిళ అనారోగ్యంతో ఉండటంతో సోమవారం గయాలోని ఓ ఆస్పత్రిలో చికిత్స చేయించుకుంది. రాత్రివేళ ఇంటికి తిరిగెళ్లేందుకు పాట్నా-బభువా ఇంటర్ సిటీ రైలు ఎక్కింది. బోగీలో ప్రయాణికులు తక్కువగా ఉండటంతో బిక్కుబిక్కుమంటూ ఓ మూలన కూర్చుంది. ఆమె ఒంటరిగా రైలెక్కడాన్ని గమనించిన నలుగురు యువకులు అదే బోగీలోకి ఎక్కారు. అర్ధరాత్రి వేళ ఆమెను నోరునొక్కి ఓ మూలకు తీసుకెళ్లి ఒకరి తర్వాత ఒకరు అత్యాచారానికి పాల్పడ్డారు. బాధితురాలు కేకలు పెట్టుకుండా నోట్లో గుడ్డలు కుక్కారు. ఆ కామాంధుల పశువాంఛ కారణంగా ఆమె అపస్మారక స్థితిలోకి వెళ్లిపోయింది. రాత్రి సమయంలో ఓ స్టేషన్‌లో ఆగిన రైలును చెక్ చేస్తున్న పోలీసులకు బోగీ తలుపులు వేసి ఉండడంతో అనుమానం వచ్చింది. దీంతో వారు గట్టిగా తలుపులు బాదారు. ఆ సమయంలో అత్యాచారం చేసిన నిందితులు అక్కడి నుంచి పరుగులు తీశారు. దీంతో వారిని వెంబడించిన పోలీసులు ఓ నిందితుడిని పట్టుకున్నారు.బాధితురాలిని ఆస్పత్రికి తరలించగా కాసేపటికి తేరుకుంది. దీంతో పోలీసులు ఆమె నుంచి వాంగ్మూలం తీసకున్నారు. తన ఎయిడ్స్ కారణంగా చనిపోయాడని, అతడి నుంచి ఆ వ్యాధి తనకు వ్యాపించిందని బాధితురాలు తెలిపింది. అత్యాచారం చేస్తున్న సమయంలో తనకు ఎయిడ్స్ ఉందని మొత్తుకున్నా కామాంధులు వినిపించుకోలేదని ఆవేదన వ్యక్తం చేసింది. తాము అత్యాచారం చేసింది ఎయిడ్స్ రోగినని తెలియడంతో పోలీసులకు పట్టుబడిన నిందితుడికి తెలియడంతో అతడు లబోదిబోమంటున్నాడు.