.శాసనసభలో  మండలి బాబు కామెంట్స్  వీడియో క్లిప్
విజయవాడ జనవరి 27
శాసన మండలి బిల్లు రద్దు తీర్మానంపై చర్చ సందర్భంగా అధికార వైఎస్సార్సీపీ టీడీపీ అధినేత చంద్రబాబు నాయుణ్ని టార్గెట్ చేసుకొంది. గతంలో మండలి వద్దని వాదించిన చంద్రబాబు ఇప్పుడు మండలి కావాలంటున్నారని తెలిపింది. ఇందుకు సంబంధించి వైఎస్ హయాంలో.. మండలి ఏర్పాటును వ్యతిరేకిస్తూ చంద్రబాబు మాట్లాడిన వీడియోను అసెంబ్లీలో ప్లే చేశారు. మండలిని ఏర్పాటు చేయడం వల్ల ఎలాంటి ప్రయోజనం ఉండదని చంద్రబాబు మాట్లాడటం ఆ వీడియోలో స్పష్టంగా గమనించొచ్చు.స్పీకర్ అనుమతితో మంత్రి పేర్ని నాని ఈ వీడియోను ప్లే చేయించారు. చంద్రబాబు మాట్లాడుతున్న ఈ వీడియో ప్లే అవుతున్న సమయంలో ఓ దశలో సీఎం జగన్, ఆయన వెనుకే కూర్చున్న రోజా నవ్వుతూ కనిపించారు. చంద్రబాబు పదే పదే మాట మారుస్తారని పేర్ని నాని విమర్శించారు.అంతకు ముందు ఎమ్మెల్యే ధర్మాన ప్రసాద రావు మాట్లాడుతూ.. అసెంబ్లీలో చర్చకు రాకుండా బాబు పారిపోయారని ఎద్దేవా చేశారు. 101 దేశాల్లో ఎగువ సభ లేదన్న ఆయన.. బ్రిటిషర్ల ప్రయోజనాల కోసమే ఎగువ సభలను ఏర్పాటు చేశారన్నారు.