యూపీలో శవానికి మేకప్... దారుణం
లక్నో, 
ఫెళ్లికి పెద్దలు నిరాకరించారని ఓ ప్రేమికుల జంట దారుణానికి ఒడిగట్టింది. లేచిపోయేందుకు నిర్ణయించుకున్న ఆ జంట.. మాస్టర్ ప్లాన్‌ను సిద్ధం చేసింది. ప్లాన్‌లో భాగంగా యువతిని చంపేసి తమ ప్లాన్‌ను అమలు చేయబోయి పోలీసులకు అడ్డంగా దొరికిపోయింది. ఇప్పుడు జైల్లో ఊచలు లెక్కబెడుతోంది. ఈ దారుణ ఘటన ఉత్తరప్రదేశ్‌లో జరిగింది.బులంద్ షెహర్ పట్టణంలోని సికంద్రాబాద్ ప్రాంతంలో ఇరవై ఏళ్ల యువతి మృతదేహం లభ్యమైంది. సంఘటన స్థలానికి చేరుకున్న పోలీసులు.. ఆమెను ఓ ప్రైవేటు కంపెనీ ఉద్యోగిని పూనమ్(20) గుర్తించారు. కేసు నమోదు చేసుకుని దర్యాప్తు ప్రారంభించిన పోలీసులకు షాకింగ్ నిజాలు తెలిసి విస్తుపోయారు. సినిమా స్టైల్లో రచించిన మాస్టర్ ప్లాన్ విని షాకయ్యారు. చివరికి తన బాయ్‌ఫ్రెండ్.. అసలు గర్ల్‌ఫ్రెండ్ కలిసి ఓ యువతిని అన్యాయంగా హతమార్చినట్లు నిర్ధారించారు.బులంద్ షెహర్‌లోని సికంద్రాబాద్ ప్రాంతానికి చెంది రూబీ, అదే ప్రాంతానికి చెందిన కపిల్ కొద్దికాలంగా ప్రేమించుకుంటున్నారు. అయితే వారి పెళ్లికి రూబీ కుటుంబ సభ్యులు నిరాకరించడంతో ఇద్దరూ లేచిపోవాలని నిర్ణయించుకున్నారు. అందుకోసం మాస్టర్ ప్లాన్ రూపొందించారు. ప్లాన్‌కు అనుగుణంగా ఆచరణ మొదలు పెట్టారు. ఓ యువతిని సెలెక్ట్ చేసుకున్నారుప్లాన్‌లో భాగంగా నోయిడాలోని జర్చా ప్రాంతానికి చెందిన ప్రైవేట్ ఉద్యోగిని పూనమ్‌ని ప్రేమ పేరుతో కపిల్ ముగ్గులోకి దించాడు.ఓ రోజు కపిల్ తన రెండో గర్ల్‌ఫ్రెండ్‌ పూనమ్‌కి ఫోన్ చేసి షాపింగ్ వెళ్దామనడంతో ఆమె సరేనంది. అతను చెప్పిన చోటుకు వచ్చింది. ముందుగా అనుకున్న ప్లాన్ ప్రకారం కపిల్ కార్ సీట్ బెల్టుతో పూనమ్‌ని చంపేశాడు.పూనమ్ హత్య కేసు నమోదు చేసుకుని పోలీసులు దర్యాప్తు ప్రారంభించారు. దర్యాప్తులో నిర్ఘాంతపోయే నిజాలు వెలుగులోకి వచ్చాయి. ఇంట్లో పెళ్లికి నిరాకరించిన నేపథ్యంలో కపిల్, రూబీ దారుణమైన ప్లాన్ విని విస్తుపోయారు. ఓ యువతిని ట్రాప్ చేసి.. ఆమెను చంపేసి.. ఆ శవాన్ని రూబీదిగా నమ్మించి పారిపోవాలన్నది వారి ప్లాన్. అందులో భాగంగానే పూనమ్‌ను ట్రాప్ చేశాడు కపిల్.నమ్మకంగా షాపింగ్‌కని పిలిచి పూనమ్‌ను దారుణంగా చంపేశారు. అనంతరం పూనమ్ బట్టలు మార్చేసి రూబీ బట్టలు.. నగలు తొడిగారు. ఇంటి దగ్గర్లో శవం ఉంటే అది కచ్చితంగా రూబీదే అనుకుంటారని భావించి ఆమె ఇంటి సమీపంలోనే శవాన్ని పడేసి చేతులు దులుపుకున్నారు. ఇక ఎంచక్కా లేచిపోదామని రెడీ అవుతున్న తరుణంలో పోలీసులు రంగప్రవేశం చేశారు. హంతకులను గుర్తించి కటకటాల వెనక్కి నెట్టారు. టీవీ షోలు చూసి ప్లాన్ చేసినట్లు నిందితులు చెప్పడం గమనార్హం.