కరోనా స్వైరవిహారం.. 
చైనా దిగుమతులపై ఇండోనేషియా బ్యాన్ 
జకార్తా, ఫిబ్రవరి 3
చైనా నుంచి ఆహారం, శీతలపానీయులను దిగుమతి చేసుకునే ఇండోనేషియా.. ప్రస్తుతం కరోనా వైరస్ అక్కడ ప్రబలంగా ఉండటంతో వాటిపై తాత్కాలిక నిషేధం విధించింది. దీనిపై మంత్రి అగస్ సుపర్మాంటో మీడియాతో మాట్లాడుతూ.. ఈ చర్యలు త్వరలో అమల్లోకి వస్తాయని, వైరస్ సమస్య ముగిసే వరకు కొనసాగుతాయని అన్నారు. కాగా, డ్రాగన్ దేశం ఇండోనేషియాకు అతిపెద్ద వాణిజ్య భాగస్వామి.హైదరాబాద్‌లోని గాంధీ ఆస్పత్రిలో కరోనా నిర్ధారణ పరీక్షలను సోమవారం నుంచి ప్రారంభించారు. గాంధీ మెడికల్ కాలేజీలో వైరాలజీ ల్యాబ్‌ యూనిట్‌ను పరిశీలించిన తెలంగాణ వైద్య ఆరోగ్య శాఖ మంత్రి ఈటల రాజేంద్రం... ఆస్పత్రి సిబ్బందికి పలు సూచనలు చేశారు. అనంతరం ఆయన మీడియాతో మాట్లాడుతూ... ప్రపంచ వ్యాప్తంగా పలు దేశాలను కరోనా వైరస్‌ భయభ్రాంతులకు గురిచేస్తోందని అన్నారు. తెలంగాణలో కరోనా పరిస్థితులను ఎదుర్కొనేందుకు రాష్ట్రంలో అనేక చర్యలు చేపట్టినట్లు ఆయన తెలిపారు.కరోనా వైరస్ గురించి పూర్తి సమాచారం కోసం నిరంతరాయం అందుబాటులో ఉండేలా హెల్ప్‌లైన్‌ను కేంద్ర ఆరోగ్య శాఖ ఏర్పాటు చేసింది .ఆదివారం వరకు కరోనా అనుమానిత లక్షణాలతో 109 మంది రక్త నమునాలను పరీక్షించగా, వీరిలో ముగ్గురికి వైరస్ ఉన్నట్టు నిర్ధారణ అయ్యింది. కాగా, కరోనా బారినపడ్డ విదేశీయులను రష్యా బహష్కరించే అవకాశం ఉందంటూ జోరుగా ప్రచారం సాగుతోంది.దేశంలో మూడో కరోనా వైరస్ కేసు నమోదు కావడంతో కేంద్ర మరింత అప్రమత్తమయ్యింది. వైరస్‌ను నిరోధించడానికి యుద్ధ ప్రాతిపదికన చర్యలకు ఉపక్రమించింది. కరోనా వైరస్ మహమ్మారి క్రమంగా విస్తరించడంతో దీనిని ఎదుర్కోడానికి ఓ టాస్క్‌ఫోర్స్‌ను సోమవారం ఏర్పాటుచేసింది. కేంద్ర హోం శాఖ, ఆరోగ్య శాఖ, మహిళా శిశు సంక్షేమ శాఖ, పౌర విమానయాన శాఖలు ఇందులో సభ్యులుగా ఉంటారు. ఈ మేరకు కేంద్రం ఉత్తర్వులు జారీచేసింది. ఈ టాస్క్‌ఫోర్స్ తొలి సమావేశం జరుగుతోంది.దేశంలో మూడో కేసు నమోదు కావడంతో ప్రజలు మరింత అప్రమత్తంగా ఉండాలని కేంద్రం సూచించింది. ట్రావెల్ అడ్వైజరీ జారీచేసిన కేంద్ర ఆరోగ్య శాఖ.. అత్యవసరమైతే తప్పా తదుపరి ఉత్తర్వులు వెలువడే దాకా చైనా పర్యటనను వాయిదావేసుకోవాలని సూచించింది. అంతేకాదు, జనవరి 15 తర్వాత ఎవరైనా చైనా పర్యటనకు వెళ్తే, వారు తమ స్వాధీనంలో ఉంటారని తెలిపింది. కరోనా వైరస్ బారినపడ్డ ముగ్గురు భారతీయులూ వుహాన్ నుంచి వచ్చినవారే కావడం గమనార్హం. అక్కడ వైద్య విద్యకోసం వెళ్లిన ముగ్గురు కేరళ విద్యార్థులు అక్కడ వైరస్ విజృంభించడంతో స్వదేశానికి వచ్చేశారు.చైనాలో కరోనా మరణాలు పెరగడంతో అక్కడ మాస్కులకు, రక్షిత సూట్లకు భారీ డిమాండ్ ఏర్పడింది. దీంతో తమకు సర్జికల్ మాస్క్‌లు, రక్షిత సూట్లు, సేఫ్టీ గాగుల్స్ అవసరమని చైనా విదేశాంగ శాఖ అధికార ప్రతినిధి హూ చూయింగ్ సోమవారం ఓ ప్రకటనలో వెల్లడించారు.చైనాలో కరోనా వైరస్ మరణాల సంఖ్య 361కి చేరింది. మరో 17,205 మందికి ఈ వైరస్‌ సోకినట్లు నిర్ధరించగా, ఆదివారం ఒక్కరోజే 2,829 కొత్త కేసులు నమోదయ్యాయి. వీరిలో 186 మంది పరిస్థితి విషమంగా ఉందని, ఇప్పటి వరకు 475 మంది వైరస్‌ నుంచి కోలుకున్నట్లు అక్కడి అధికారులు తెలిపారు.