రాష్ట్ర పర్యాటక రంగంలో మరో కలికితురాయికి కార్యాచరణ ప్రణాళికలు
విజయవాడ ఫిబ్రవరి 04 br /> ఆంధ్రప్రదేశ్ రాష్ట్ర ప్రభుత్వం , సివిల్ ఏవియేషన్ సంయుక్త ఆధ్వర్యంలో కృష్ణానది ప్రాంతంలోని ప్రకాశం బ్యారేజ్ వద్ద వాటర్ డ్రోమ్ ఫెసిలిటీని ఏర్పాటు చేయడంపై అధ్యయనం చేస్తున్నామని జిల్లా కలెక్టరు | ఏ . యండీ . ఇంతియాజ్ తెలిపారు మంగళవారం స్థానిక బారంపార్క్ లోని పున్నమి ఘాట్ , తదితర ప్రాంతాలలో స్పెషల్ చీఫ్ సెక్రటరీ కలికాల వలవెన్ , సాంకేతిక బృందం , రెవెన్యూ అధికారులతో కలిసి పరిశీలించారు . ఈ సందర్భంగా కలెక్టరు ఏ . యండి . ఇంతియాజ్ మాట్లాడుతూ కృష్ణానది పరివాహక ప్రాంతమైన ప్రకాశం బ్యారేజ్ ప్రాంతంలో వాటర్  డ్రోమ్ ఫెసిలిటీ ( నీటిపై ల్యాండ్ మరియు టేకాఫ్ అయ్యే విమానయానం ) ఏర్పాటుపై సాంకేతిక బృందంతో పరిశీలన చేసామన్నారు . ఇక్కడి ప్రాంతంలో మాలికవసతులు , సౌలభ్యం , తదితర అంశాలపై పూర్తి స్థాయిలో అధ్యాయనం చేయడం జరుగుతుందన్నారు . నీటిపై దిగి , పైకి లేచే విమానాలను ఈ ప్రాంతంలో ఏర్పాటు చేయడం ద్వారా పర్యాటక పరంగా ఎంతో సానుకూలతగల ప్రాంతంగా మెరుగైన అవకాశాలు కలిగి ఉన్నాయన్నారు . ఇక్కడి నుండి పాపికొండలు , నాగార్జున కొండ ప్రాంతాలలో ల్యాండ్ అయ్యే విధంగానూ మరియు హైదరాబాదు కూడా సర్వీసు ను నడిపే అవకాశాలు ఉన్నాయన్నారు . సాంకేతిక నిపుణులు సూచనలు , సలహాలు మేరకు ఆంధ్ర ప్రదేశ్ రాష్ట్ర ప్రభుత్వపరంగా చర్యలు తీసుకోవడం జరుగుతుందన్నారు . సాంకేతిక బృందం సిఫార్సు లు , అధ్యయనాల పై ప్రభుక్వానికి నివేదిక సమర్పించడం జరుగుతుందని ఆయన తెలిపారు . వాటర్ డ్రోమ్ ఫెసిలిటి ద్వారా విజయవాడ ప్రాంతం పర్యాటకంగా మరింత అభివృద్ధి చెందుతుందన్న ఆశాభావాన్ని ఆయన వ్యక్తం చేసారు .  ఆంధ్రప్రదేశ్ విమానాశ్రయాల అభివృద్ధి కార్పోరేషన్ లిమిటెడ్ ముఖ్య కార్యనిర్వాహణా అధికారిణి నీనాశర్మ మాట్లాడుతూ సివిల్ ఏవియేషన్ ద్వారా రూ . 50 కోట్లుతోనూ , ఆంధ్ర ప్రదేశ్ రాష్ట్ర ప్రభుత్వం మౌలిక వసతులు , తదితర పనులు కోసం రూ . 10 కోట్లు భాగస్వామ్యంతో వాటర్ డ్రోమ్ ఫెసిలిటిని అందుబాటులోనికి తీసుకురావడానికి గల అవకాశాలను క్షేత్రస్థాయిలో పరిశీలించడం జరిగిందన్నారు . బెరంపార్క్ , భవాని ఐల్యాండ్ వంటి పర్యాటక ప్రాంతాలు అందుబాటులో ఉన్నాయన్నారు. రాష్ట్రంలోని వివిధ పర్యాటక ప్రాంతాలకు , హైదరాబాద్ , బెంగుళూరు , చెన్నై వంటి ప్రాంతాలకు పర్యాటకులు పర్యటించేందుకు చక్కని అవకాశాలు ఈ ప్రాంతం కలిగి ఉందని ఆమె తెలిపారు . ఈ పర్యటనలో జాయింట్ కలెక్టరు కె . మాధవిలత , సబ్ కలెక్టరు హెచ్ . యం . ధ్యాన చంద్ర , విజయవాడ పశ్చిమ తహశీల్దారు యం . మాధురి , డిప్యూటి ఎగ్జిక్యూటివ్ ఇంజనీరు సిహెచ్ . గోపీనాద్ . ప్రకాశం బ్యారేజ్ ఏఇఇ వి . దినేష్ రాఘవేంద్ర కుమార్ , ఏవియేషన్ డిజియం బి . గోపీకృష్ణన్ , అసిస్టెంట మేనేజరు యస్ . యాదవ్ , తదితరులు పాల్గొన్నారు