తిరుమలలో అల వైకుంఠపురం యూనిట్
తిరుమల ఫిబ్రవరి 7,
ప్రముఖ హీరో అల్లు అర్జున్,దర్శకుడు త్రివిక్రమ్ శ్రీనివాస్,సంగీత దర్శకుడు తమన్,నిర్మాతలు అల్లు అరవింద్,చిన్నబాబు,ఎన్వీ ప్రసాద్ తిరుమల శ్రీనివాసుడిని దర్శించుకున్నారు.అల వైకుంఠపురం చిత్రం ఘన విజయం సాధించడంతో శ్రీవారికి మొక్కులు చెల్లించుకున్నేందుకు తన సతిమణి స్నేహారెడ్డి,పిల్లలతో పాటు చిత్ర యూనిట్ సభ్యులతో కలిసి తిరుమలకు చేరుకున్న అల్లు అర్జున్ ఈ ఉదయం స్వామి వారి నిజపాద దర్శన సేవలో ఫాల్గొని శ్రీవారిని దర్శించుకున్నారు.దర్శన అనంతరం రంగనాయకుల మండపంలో వేదపండితులు వేద ఆశీర్వచనం పలకగా ఆలయ అధికారులు స్వామి వారి వస్త్రంతో సత్కరించి శ్రీవారి తీర్ధ ప్రసాదాలను అందజేశారు.దర్శనాంతరం ఆలయం వెలుపలకు వచ్చిన అల్లు అర్జున్ ను చూసేందుకు భారీగా అభిమానులు అక్కడికి చేరుకోవడంతో భద్రతా సిబ్బంది సహాయంతో అల్లు అర్జున్ అక్కడి నుంచి అతిధిగృహానికి బయలు దేరి వెళ్ళిపోయ్యాడు.