యూపీలో ఘోర రోడ్డు ప్రమాదం.. 14 మంది మృతి
లక్నో  ఫిబ్రవరి 13
యూపీలో ఘోర రోడ్డు ప్రమాదం సంభవించింది. భాదన్‌లోని ఆగ్రా-లక్నో జాతీయ రహదారి పై బస్సు, ట్రక్కును బలంగా ఢీకొట్టింది. ఈ ప్రమాదంలో 14 మంది అక్కడికక్కడే మరణించగా, దాదాపు 31 మంది గాయపడ్డారు. వీరిలో పలువురి పరిస్థితి విషమంగా ఉంది గాయపడిన వారిని స్థానిక సైఫై మినిపిజిఐ ఆస్పత్రికి తరలించారు.మృతుల సంఖ్య మరింత పెరిగే అవకాశం ఉన్నట్లు డాక్టర్లు తెలిపారు.ఆగ్రో-లక్నో జాతీయ రహదారిపై 10 గంటల సమయంలో ఈ ప్రమాదం జరిగింది. ఈ ఘటన జరిగిన సమయంలో బస్సులో సుమారు 45 మంది ప్రయాణికులు ఉన్నారు. బస్సు దిల్లీ నుంచి బిహార్‌లోని మోతిహరికి వెళ్తుండగా ప్రమాదం జరిగింది. ఘటన సమాచారం అందుకున్న పోలీసులు వెంటనే సహాయక చర్యలు ప్రారంభించారు. క్షతగాత్రులను స్థానిక ఆస్పత్రికి తరలించారు. ఈ ఘటనపై యూపీ సీఎం యోగి ఆదిత్యనాథ్‌ తీవ్ర దిగ్భ్రాంతి వ్యక్తం చేశారు. క్షతగాత్రులకు మెరుగైన వైద్యం అందించాలని అధికారులను ఆదేశించారు.