శ్రీశైలం ఫిబ్రవరి 18,  శ్రీశైల మహా క్షేత్రంలో మహాశివరాత్రి బ్రహ్మోత్సవాలు అంబరాన్నంటుతున్నాయి. 11 రోజుల పాటు జరిగే ఈ బ్రహ్మోత్సవాలకు శ్రీశైల మహాక్షేత్రం భక్తులతో కిటకిటలాడుతోంది.ఈ మహా శివరాత్రి  బ్రహ్మోత్సవాలు నాలుగో రోజుకు చేరుకున్నాయి ఈ బ్రహ్మోత్సవాల్లో భాగంగా ఉదయం నుంచి ప్రత్యేక పూజలను నిర్వహించి సాయంకాలం ప్రదోషకాల పూజలను, జపాను స్టానాలను
నిర్వహించారు. ఈరోజు సాయంకాలం నిర్వహించే వాహన సేవలో భాగంగా సాయంకాలం స్వామి అమ్మవార్లను మయుర వాహనసేవ జరిపించారు. ఈ సేవలో స్వామి అమ్మవార్ల  ఉత్సవమూర్తులను అక్కమహాదేవి అలంకార మండపంలో మయుర వాహనంపై వేంచెంబు చేసి ప్రత్యేక పూజలను నిర్వహించారు. ఈ అలంకరింపజేసిన మయురా వాహనాన్ని శ్రీశైల క్షేత్ర  ప్రధాన వీధుల్లో గ్రామోత్సవంగా తోడ్కొనివెళ్లిన ఉత్సవం కన్నుల పండుగగాసాగింది. ఈ గ్రామోత్సవంలో పలు సాంస్కృతిక నృత్యాలలో కోలాటాలు డోలు ,సాంప్రదాయ నృత్యాలు,గోరవయ్యాల
పిల్లనగ్రోవులు,లంబాడా డ్యాన్సులు  మహాశివరాత్రి బ్రహ్మోత్సవాలలో ప్రత్యేక ఆకర్షణగా పలు కళారూపాలతో ఈ గ్రామోత్సవం ఎంతో కన్నుల పండువగా సాగింది. ఈ కార్యక్రమంలో ఆలయ  కార్యనిర్వహణాధికారి కె.ఎస్.రామారావు ప్రత్యేక ఏర్పాట్లను భక్తులకోసం చేశారు