సింహపురి ప్రజలకు 18 అడుగుల శివలింగ దివ్య దర్శనం
నెల్లూరు ఫిబ్రవరి 20
ప్రజాపిత బ్రహ్మకుమారి ఈశ్వరీయ విశ్వవిద్యాలయం నెల్లూరు వారి ఆధ్వర్యంలో 18 అడుగుల శివలింగ దివ్య దర్శనం చేసుకునే అవకాశం కల్పించారు. నెల్లూరు నగరంలోని కె.వి.ఆర్ పెట్రోల్  బంక్ , కస్తూరి దేవి గార్డెన్స్ కి ఎదురుగా రాజ యోగిని బ్రహ్మకుమారి అంబికా దీది చేతుల మీదుగా కార్యక్రమాన్ని ప్రారంభించారు. ఈ సందర్భంగా బ్రహ్మకుమారి ప్రసన్న మాట్లాడుతూ గురు, శుక్ర, శనివారాలలో,3 రోజులుగా, శివరాత్రి మహా పర్వదినాన్ని పురస్కరించుకొని మహాశివరాత్రి- మహా శివ జయంతి కార్యక్రమాలు నిర్వహించడం జరుగుతుందన్నారు. ఈ సందర్భంగా ఏర్పాటు చేయబడిన 18 అడుగుల శివలింగ దర్శనం చేసుకొని, ఆది మూలపురుషుడు శివుని కృపకు పాత్రులు కావాలని పిలుపునిచ్చారు.