ఎమ్మెల్యే తమ్ముడే దాడి చేశాడు
హైద్రాబాద్, మార్చి 5
ప్రముఖ సింగర్, బిగ్‌బాస్ సీజన్ 3 విన్నర్ రాహుల్ సిప్లిగంజ్‌పై నిన్న రాత్రి గచ్చిబౌలిలోని ఓ పబ్‌లో దాడి జరిగింది. వికారాబాద్‌ జిల్లాకు చెందిన ఎమ్మెల్యే రోహిత్ రెడ్డి సోదరుడు రితేష్ రెడ్డి తన స్నేహితులతో కలిసి రాహుల్‌పై బీరు బాటిల్స్‌తో దాడి చేసారు. ఈ ఘటనలో రాహుల్‌కి స్వల్పగాయాలయ్యాయి. ఆ తర్వాత రాహుల్ హాస్పిటల్‌లో చికిత్స చేయించుకుని దాడి చేసిన వారిపై ఫిర్యాదు చేసేందుకు నేరుగా పోలీస్‌ స్టేషన్‌కు వెళ్లారు. అక్కడ ప్రెస్ మీట్ పెట్టి జరిగిన విషయాన్ని చెప్పారు.నేను నా ఫ్రెండ్స్‌తో కలిసి పబ్‌కి వెళ్లాను. నేనూ మనిషినే నాకూ ఎంజాయ్ చేయాలని ఉంటది. మీరు మద్యం దుకాణాలకు ఎలా వెళ్తారో నేను కూడా పబ్‌కి వెళ్లి ఎంజాయ్ చేస్తుంటాను. పబ్‌ క్లోజింగ్ టైంలో ఫ్రెండ్స్‌తో ఉంటే.. రితేష్ రెడ్డి తన ఫ్రెండ్స్‌తో కలిసి బాత్రూమ్ నుంచి బయటికి వస్తూ నా ఫ్రెండ్స్‌పై కామెంట్స్ చేసాడు. అంతేకాదు నన్ను తోసుకుంటూ పోయాడు. నేను అతని చెయ్యి పట్టుకుని ఎందుకు తోస్తున్నావ్ అని అడిగాను. దాంతో అతను ఏం చేస్తావ్ అంటూ చొక్కా పట్టుకున్నాడు. నేను కూడా తిట్టాను. దాంతో అతను నాపై బీర్ బాటిల్స్‌తో కొట్టాడు. అతను చొక్కా పట్టుకుంటే నేను అన్నా వదిలేయండి అని ఎందుకంటాను. ఎవరికైనా కోపం వస్తుంది. అందుకే నేనూ అసభ్యపదజాలం వాడాను'' నాపై దాడి చేసిన ఔలే నాకొడుకుల గురించి నేనెందుకు మాట్లాడాలి. దాడి చేసినోడి అన్న టీఆర్‌ఎస్ పార్టీకి చెందినోడని క్లియర్‌గా అర్థమైంది. వాడికి భయపడి పబ్‌లకు పోవద్దు అంటే ఎలా కుదురుతుంది. నాకు ఈ విషయంలో న్యాయం జరగాలనే నేను కంప్లైంట్ చేసాను. నాపై చేయిచేసుకుంటుంటే అక్కడే ఇద్దరు బౌన్సర్లు కూడా ఉన్నారు. వారిని పిలిస్తే కనీసం పట్టించుకోలేదు. పొలిటికల్ బ్యాగ్రౌండ్ ఉంది కాబట్టి రేపు మేం తోపులం చెప్పుకోవడానికి చేసిన పనులు ఇవి. నేను తప్పు చేస్తే నాపై చేయిచేసుకున్నా ఓ అర్థం ఉంది. నేను పబ్‌లకు వెళ్తుంటా కానీ నా పని నేను చేసుకుని వచ్చేస్తా. ఇలా ఎవరిని పడితే వారిని గెలకను’’ అని తెలిపారు.