కరోనా విషయంలో ఆందోళన వద్దు
 డాక్టర్ జవహర్‌రెడ్డి
విజయవాడ  మార్చ్ 6
కరోనా వైరస్‌ విషయంలో ఆందోళన చెందొద్దని వైద్య ఆరోగ్యశాఖ స్పెషల్‌ సీఎస్‌ డాక్టర్‌ జవహర్‌రెడ్డి తెలిపారు. వదంతులు, నిరాధార ప్రచారాన్ని నమ్మొద్దని చెప్పారు. కరోనాపై అనుమానితుల సమాచారం కోసం కంట్రోల్‌ రూమ్‌ నెం.0866-2410978 ఏర్పాటు చేశామని జవహర్‌రెడ్డి తెలిపారు. 19 కరోనా ప్రభావిత దేశాల నుంచి ఏపీకి వచ్చిన 361 మంది వైద్యుల పరిశీలనలో ఉన్నారని.. 218 మందికి 28 రోజుల అబ్జర్వేషన్ పూర్తయిందని తెలిపారు. 24 శాంపిల్స్‌ని ల్యాబ్‌కి పంపితే 20 మందికి నెగెటివ్‌ వచ్చినట్లు వైద్య ఆరోగ్యశాఖ స్పెషల్ సీఎస్ డాక్టర్ జవహర్‌రెడ్డి పేర్కొన్నారు.