లాభాల నుంచి నష్టాల్లోకి
ముంబై, మార్చి 11 
దేశీ స్టాక్ మార్కెట్‌ ఆరంభ లాభాలు అవిరయ్యాయి. బెంచ్‌మార్క్ సూచీలు ప్రారంభంలో లాభాలతో దూసుకెళ్లినా కూడా చివరకు వచ్చేసరికి ఫ్లాట్‌గానే క్లోజయ్యాయి. బుధవారం బెంచ్‌మార్క్ సూచీలు తీవ్ర ఊగిసలాటకు గురయ్యాయి. సెన్సెక్స్ ఇంట్రాడేలో 760 పాయింట్ల శ్రేణిలో కదలాడింది. నిఫ్టీ కూడా ఇంట్రాడేలో 10,545 పాయింట్ల గరిష్ట స్థాయిని, 10,334 పాయింట్ల కనిష్ట స్థాయిని తాకింది.చివరకు వచ్చేసరికి బీఎస్‌ఈ సెన్సెక్స్ 62 పాయింట్ల లాభంతో 35,697 పాయింట్ల వద్ద, ఎన్ఎస్ఈ నిఫ్టీ 7 పాయింట్ల లాభంతో 10,458 వద్ద క్లోజయ్యాయి. నిఫ్టీ మీడియా, ఫైనాన్షియల్, ప్రైవేట్ బ్యాంక్ రంగ షేర్లు లాభపడ్డాయి. ప్రభుత్వ రంగ బ్యాంక్ షేర్లు ఎక్కువగా నష్టపోయాయి.
✺ నిఫ్టీ 50లో యస్ బ్యాంక్, జీ ఎంటర్‌టైన్‌మెంట్, భారతీ ఇన్‌ఫ్రాటెల్, కోల్ ఇండియా, హీరో మోటొకార్ప్ షేర్లు లాభపడ్డాయి. యస్ బ్యాంక్ ఏకంగా 37 శాతం పరుగులు పెట్టింది.
✺ అదేసమయంలో నిఫ్టీ 50లో గెయిల్, టటా స్టీల్, టాటా మోటార్స్, ఇండస్ఇండ్ బ్యాంక్, బీపీసీఎల్ షేర్లు నష్టపోయాయి. గెయిల్ షేరు ఏకంగా 10 శాతానికి పైగా పడిపోయింది.
✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ ఫైనాన్షియల్ సర్వీసెస్, నిఫ్టీ ఎఫ్ఎంసీజీ, నిఫ్టీ ప్రైవేట్ బ్యాంక్, నిఫ్టీ మీడియా ఇండెక్స్‌లు మినహా మిగతా సూచీలన్నీ నష్టాల్లోనే ఉండిపోయాయి. నిఫ్టీ పీఎస్‌యూ బ్యాంక్ దాదాపు 4 శాతం కుప్పకూలిది. నిఫ్టీ మెటల్ ఇండెక్స్ 2 శాతం పతనమైంది.
✺ అమెరికా డాలర్‌తో పోలిస్తే ఇండియన్ రూపాయి లాభాల్లో ట్రేడవుతోంది. 42 పైసలు లాభంతో 73.66 వద్ద కదలాడుతోంది.
✺ అంతర్జాతీయ మార్కెట్‌లో క్రూడాయిల్ (ముడి చమురు తగ్గాయి. బ్రెంట్ క్రూడ్ ధర బ్యారెల్‌కు 2.58 శాతం తగ్గుదలతో 36.25 డాలర్లకు క్షీణించింది. డబ్ల్యూటీఐ క్రూడ్ ధర బ్యారెల్‌కు 2.53 శాతం క్షీణతతో 33.48 డాలర్లకు పతనమైంది.