ఇసుక ర్యాంపులపై దాడులు
కాకినాడ
తూర్పుగోదావరి జిల్లా రావులపాలెం మండలం గోపాలపురం ఇసుక ర్యాంపలో స్టేట్ జాయింట్ టాస్క ఫోర్స్ దాడులు నిర్వహించింది. అక్రమంగా ఇసుక తరలిస్తూ లోడింగ్ చేయబడిన 3 లారీలు,  లోడింగ్ చేసేందుకు సిద్ధంగా ఉన్న మరో 29 లారీలు, 3 ట్రాక్టర్లు, ఒక వాటర్ ట్యాంకు, ఒక 200 మిషన్ సీజ్ చేశారు. గోపాలపురం ర్యాంపు గత కొంతకాలంగా మూతపడింది. దీంతో కొంతమంది అక్రమార్కులు ఇదే అదునుగా చేసుకుని రాత్రులు అక్రమంగా ఇసుకను తరలించుకుపోతూ కోట్లాది రూపాయలను ఆర్జిస్తున్నారు. ఈ దందా రాష్ట్ర ఉన్నతాధికారుల దృష్టికి వెళ్ళింది. ఎన్ ఫోర్స్ మెంట్ డైరెక్టర్   వినిత్ బ్రెజివాల్ అదేశాల తో  స్టేట్ జాయింట్ టాస్క్ ఫోర్స్ డి.ఎస్.పి కృష్ణకిషోర్ రెడ్డి గోపాలపురం ఇసుక  ర్యాంపులో   ఆదివారం ఆర్ధ రాత్రి ఆకస్మికంగా దాడులు నిర్వహించారు. ఈ సందర్భంగా అక్రమంగా ఇసుక తరలిస్తున్న లారీలు సీజ్ చేశారు.