ఒక్క ఫోన్ కాల్‌తో వడ్డీ లేకుండా రూ.5 లక్షల వరకు రుణం.
న్యూఢిల్లీ, మార్చి 16 
అంతర్జాతీయంగా కరోనా వైరస్ కేసుల సంఖ్య 1,56,000 పైకి చేరింది. ఇప్పటికే కోవిడ్ 19 వల్ల గ్లోబల్‌గా 5,833 మందికి పైగా మరణించారు. భారత్‌లో కూడా కరోనా సోకిన వారి సంఖ్య 107కు చేరింది. కరోనా వైరస్ శరవేగంగా విస్తరిస్తుండటంతో దీని బారినపడే వారు ఇంకా పెరిగే అవకాశముంది.కోవిడ్ 19 సోకిన వారికి ఆర్థిక తోడ్పాటు అందించేందుకు కేర్‌కవర్ అనే హెల్త్‌కేర్ ఫైనాన్సింగ్ కంపెనీ మెడికల్ లోన్స్ అందిస్తోంది. కరోనా వైరస్ ట్రీట్‌మెంట్ కోసం రూ.5 లక్షల వరకు రుణాన్ని ఆఫర్ చేస్తోంది. అది గంటలోనే లోన్ పొందొచ్చని కంపెనీ తెలిపింది.ఇక్కడ మరో వెసులుబాటు కూడా ఉంది. కేర్‌కవర్ సంస్థ కరోనా వైరస్ ట్రీట్‌మెంట్ కోసం అందించే రుణాలపై ఎటువంటి వడ్డీ ఉండదు. అంటే వడ్డీ రహిత రుణాన్ని పొందొచ్చు. ఇది ఏడాది వరకు కాల పరిమితిలోని రుణాలకు వర్తిస్తుంది. అదే లోన్ టెన్యూర్ 18 నుంచి 24 నెలల మధ్యలో ఉంటే అప్పుడు వడ్డీ రేటు 12-15 శాతం మధ్యలో ఉంటుంది. లోన్ కింద కనీసం రూ.15,000 తీసుకోవచ్చు.కేర్‌కవర్ ఫౌండర్, సీఈవో నివేశ్ ఖండెల్వాల్ మాట్లాడుతూ.. ‘ఆర్థిక పరిస్థితుల కారణంగా వైద్యం ఎవ్వరికీ దూరం కాకూడదు. అందుకే మెడికల్ లోన్స్ అందుబాటులోకి తీసుకువచ్చాం. వేగంగానే రుణం పొందొచ్చు. కరోనా వైరస్‌కు చికిత్స చేయించుకోవచ్చు’ అని వివరించారు. కేర్‌కవర్ నుంచి హెల్త్‌కేర్ బెనిఫిట్స్ పొందాలంటే.. రుణ గ్రహీత ముందుగా పేరు నమోదు చేసుకొని, కార్డు పొందాల్సి ఉంటుందని తెలిపారు. ఈ కార్డు వాలిడిటీ ఏడాది ఉంటుంది.ఇకపోతే 21 నుంచి 60 ఏళ్ల మధ్యలో వయసు కలిగిన వారు ఎవరైనాసరే లోన్ కోసం అప్లై చేసుకోవచ్చు. దీని కోసం పాన్ కార్డు, ఆధార్ కార్డు, బ్యాంక్ స్టేట్‌మెంట్ వంటి కేవైసీ డాక్యుమెంట్ల అవసరం అవుతాయి. అయితే ఇక్కడ పేరు నమోదు చేసుకునే వారు ఏడాదికి రూ.999 చెల్లించాల్సి ఉంటుంది. అదే ఇతర కుటుంబ సభ్యుల పేర్లు కూడా నమోదు చేసుకోవాలంటే రూ.500 కట్టాలి.కాగా లోన్‌కు ఎలాంటి ప్రాసెసింగ్ ఫీజు ఉండదు. కవర్‌కేర్ కార్డు కలిగిన వారు కేవలం టోల్ ఫ్రీ హెల్ప్‌లైన్ నెంబర్‌కు (9298889888) కాల్ చేసి లోన్ పొందొచ్చు. పేరు, హాస్పిటల్ పేరు, ట్రీట్‌మెంట్ కోసం ఎంత డబ్బులు కావాలి? వంటి వివరాలు తెలియజేస్తే సరిపోతుంది. ఇక్కడ రుణ గ్రహీత హాస్పిటల్ నుంచి రోగి పేరు, బిల్లు అమౌంట్‌ అంచనా ద్రువీకరణ కోసం సంస్థకు ఒక లెటర్‌ అందజేయాల్సి ఉంటుంది.